Page Text
________________
-~~~-~~-~-~ વિશ્વની આધ્યાત્મિક અજાયબીઓ ~--~~-~અને આયરિય. પછી સાવ બેસી જ જાય. આવું શા માટે? વળી એ મહાત્મા સારા હતા. બેસીને કરે તો પણ એકદમ ટટ્ટાર બેસે, હાથ બરાબર જોડેલા રાખે...
પહેલા તો મને થયું કે થાક લાગ્યો હશે... એટલે બેઠા બેઠા કરતા હશે, પણ આવું મેં ઘણા દિવસો સુધી જોયું. છેવટે મારાથી ન રહેવાયું અને એકવાર સાંજે વંદન કરવા આવેલા મેં એમને પૂછી જ લીધું.
એમણે જવાબ દીધો કે “મને એક વિચિત્ર રોગ છે. એલર્જી છે કે શું? એ ખબર નથી પણ જો વધુ સમય ઊભો રહું તો મને પગમાં પુષ્કળ ખંજવાળ શરૂ થઈ જાય. એ ખંજવાળ એવી આવે કે જોરજોરથી ખણ્યા વિના ન રહી શકાય. હા! જો હું બેસી જાઉં, તો ખંજવાળ પણ બેસી જાય.
આવું પાછું રોજ જ થાય એવું નથી. અમુક કાળે, અમુક ખોરાકના લીધે આવું થતું હશે. બધા આને રક્તવિકાર કહે છે. આખો દિવસ તો કોઈ મુશ્કેલી હોતી નથી, કેમકે એમાં ઊભા રહેવાનું આવતું નથી. પણ રોજ સાંજના પ્રતિક્રમણમાં આયરિય.. પછી ખંજવાળની શરૂઆત થવા લાગે. મને એ અંદાજ આવી જાય એટલે હું તરત બેસી જાઉં...
અપવાદરૂપે બેસવું પડે છે, પણ એમાં એટલી તો કાળજી રાખું જ કે એકદમ ટટ્ટાર બેસું, હાથ બરાબર જોડેલા રાખું, સ્તવન વખતે ચૈત્યવંદન મુદ્રા બરાબર જાળવું. આટલો સાપેક્ષભાવ ન રાખું તો મારો અપવાદ ખોટો ઠરે.”
એ મહાત્માની કાળજી મેં બરાબર જોઈ છે. ક્રિયા દરમ્યાન એ કદી પણ કોઈની સાથે વાત ન કરે, આજુબાજુ પણ ન જુએ, સીસકારા પણ ન કરે. સાંજનું પ્રતિક્રમણ માંડલીમાં જ કરે. ૧૦૨ ડીગ્રી તાવ હતો, ત્યારે પણ એમણે માંડલી ન છોડી. બેઠા બેઠા કર્યું, પણ ન ટેકો દીધો કે ન હાથ જોડી રાખવામાં પ્રમાદ કર્યો. શાંતભાવે તાવની વેદના સાથે ય માંડલીનું પ્રતિક્રમણ ન છોડયું, એ કહે કે “જે પ્રતિક્રમણમાંડલીમાં પ્રવેશ કરવા માટે આંબિલ કરેલા, જે માંડલીનો મહિમા એવો છે કે શાસ્ત્રીય દૃષ્ટિએ તો આચાર્ય સુદ્ધાં પણ માંડલીમાં જ પ્રતિક્રમણ કરે એ માંડલી નજીવા કારણોસર મારે શીદને છોડવી?'
રે! એ સાધુને મળવા માટે ભક્તો આવેલા હોય તો પણ પ્રતિક્રમણ શરૂ થાય એટલે બધાને પડતા મૂકીને એ સાધુ માંડલીમાં આવી જ જાય. પોતે વડીલ હોય તો પણ આમાં મીનમેખ ફેરફાર નહિ. હા! એવા અત્યંત વિશિષ્ટ કામ આવી પડે ત્યારે જ નાછૂટકે માંડલી છોડે. પણ એ પણ એમને બિલકુલ ઈષ્ટ નહિ.
એમના અંગત પરિચય બાદ એમના જીવનમાં અનુભવાયેલું આ અમૃત મને મળ્યું છે અને મારા જીવનમાં ઉતારવાનો પ્રયત્ન શરૂ કર્યો છે..
(૧૭) લેખક, પ્રવચનપ્રભાવક, વિદ્વાન એક મહાત્મા પાસે એક સંઘ વિનંતી કરવા આવેલો. ત્યારે જોગાનુજોગ હું પણ ત્યાં જ બેઠેલો. સંઘે ચોમાસાની વિનંતી કરી. એ મહાત્માએ પોતાની
૪૦
-
| SR No. | 022595 |
| Book Title | Vishvani Adhyatmik Ajayabio Aapna Sadhu Sadhvio Part 03 |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2014 |
| Total Pages | 124 |
| Language | Gujarati |
| Classification | Book_Gujarati |
| File Size | 19 MB |