Page Text
________________
વિશ્વની આધ્યાત્મિક અજાયબીઓ⟩
હોય, પણ હું એ જવાબદારી ઉપાડી લઈશ. એ જવાબદારી ન નિભાવનારાની પણ નિંદા નહિ કરું એમના પ્રત્યે કરુણા ધારણ કરીશ. શાસ્ત્રોમાં પાસસ્થા વગેરે શિથિલાચારીઓની પણ સેવા કરવાન આજ્ઞા ફરમાવી છે, તો આ વૃદ્ધ સંયમીઓ તો એકંદરે ઘણા જ મહાન છે. એમની સેવા તો મારે કરવી જ.’’
આ એક જ પ્રતિજ્ઞા સૌ સક્ષમ સંયમીઓ સ્વીકારે, અને પોતાના ગ્રુપમાં જો કોઈ વૃદ્ધ હોય તો એની સેવા દ્વારા આ પ્રતિજ્ઞાનો નાના પાયા પર પ્રારંભ કરે.
કદાચ સંપૂર્ણ સેવા કરવાના ઉલ્લાસ-શક્તિ ન હોય, તો છેવટે વૃદ્ધના વસ્ત્રોનું પ્રતિલેખન કે માત્ર પરઠવવું કે સંથારો પાથરી આપવો કે એને માટે ગોચરી લાવી આપવી. આમાંથી એકાદ પણ અવશ્ય કરવું.
છેલ્લામાં છેલ્લું એટલું તો કરવું જ કે એ વૃદ્ધ મુનિ પાસે રોજ પાંચેક મિનિટ જવું, મધુર વાતો કરવી, એમના ગુણોની પ્રશંસા કરવી. એમની સાથે મૈત્રી ભરેલો વ્યવહા૨ ક૨વો, એમને પ્રસન્ન બનાવી દેતી વાતો કરવી, એમને આશ્વાસન આપવું.
બસ, મારી આટલી વિનંતી સો સ્વીકારે.
લિ. ૭૨ વર્ષનો સૌથી વધુ પ્રસન્ન એક વૃદ્ધ સાધુ (આ પત્ર બધાએ ગંભીરતાથી વાંચવો, વિચારવો.
વૃદ્ધની માફક જ ગ્લાન માટે પણ આ જ બધી વાત સમજી લેવી. જો સક્ષમ સંયમીઓ આવી પ્રતિજ્ઞા લે, અમલ શરૂ કરે તો હજારેક વૃદ્ધ સંયમીઓની વ્યવસ્થા એની મેળે ગોઠવાઈ જાય. એમને માટે એક સ્થાને રોકાવું પડે, મોટા નુકસાન ન હોય તો એ સ્વીકારી લેવું.
બધા આ વિનંતિ માનશે ?)
विद्या विनयेन शोभते
નવેક વર્ષ પહેલા અમે અમદાવાદ તપોવનની પાસે આવેલા કોબા-મહાવીર જૈન આરાધના કેન્દ્રમાં રોકાયેલા, ત્યાં પૂ.પં. યશોવિજયજી મ. પણ હાજર હતા. આ મહાત્માને પ્રાયઃ બધા ઓળખે છે, અઘરા અઘરા ગ્રન્થોની સંસ્કૃત ટીકાઓ ગુજરાતી / હિન્દી વિવેચન સહિત એમણે લખેલી છે. શ્રુતજ્ઞાનનો ભંડાર છે. ઘણા લોકો એમને ‘લઘુ યશોવિજય'ના નામથી ઓળખે છે. (૩૦૦ વર્ષ પૂર્વે થયેલા મહોપાધ્યાય યશોવિજયજી મ.ની પ્રતિકૃતિ...)
એ વખતે એમનું બત્રીશ-બત્રીશીનું કામ ચાલુ હતું, મને અમુક મેટર તપાસવા આપેલું. જો કે સમયના અભાવે હું સંશોધક તો ન બની શક્યો પણ અમુક પાનાં જોયા, એમાં એક પદાર્થ ધ્યાનમાં આવ્યો. ‘જિનશાસનમાં બે પ્રકારના પદાર્થો છે આજ્ઞાગ્રાહ્ય અને યુક્તિગ્રાહ્ય!'' આ પદાર્થ પ્રસિદ્ધ જ છે, પણ મારા ધ્યાનમાં દશ વૈ. વૃત્તિનો પાઠ હતો, એના આધારે એવો અર્થ
૨૪.
| SR No. | 022595 |
| Book Title | Vishvani Adhyatmik Ajayabio Aapna Sadhu Sadhvio Part 03 |
| Original Sutra Author | N/A |
| Author | Gunhansvijay |
| Publisher | Kamal Prakashan Trust |
| Publication Year | 2014 |
| Total Pages | 124 |
| Language | Gujarati |
| Classification | Book_Gujarati |
| File Size | 19 MB |