________________
इसिभासियाई
रायाणो वणिया ? जागे माहणा सत्थजीविणो।
' अन्धेण जुगेणद्धे विपल्लत्थे उत्तराधरे ॥२॥ आरूढो रायरहं अडणीए युद्धमारभे । सधामाइं पिणिद्धन्ति विवेता बम्भपालणा ॥३॥ ण माहणे धणुरहे, सत्थपाणी ण माहणे । ण माहणे मुसं बूया, चोज्जं कुज्जा ण माहणे ॥४॥ मेहुणं तु ण गच्छेज्जा, णेव गेण्हे परिग्गहं । धम्मंगेहिं णिजुत्तेहिं झाणज्झयणपरायणो ॥५॥ सविदिएहिं गुत्तेहिं सच्चप्पेही स माहणे । सीलंगेहिं णिउत्तेहिं सीलप्पेही स माहणे ॥६॥ छज्जीवकायहितए सव्वसत्तदयावरे ।
स माहणे त्ति वत्तव्वे आता जस्स विसुज्झती ॥७॥ दिव्वं सो किसिं किसेज्जा, णेवप्पिणेज्जा। मा तं गे णं अरहता इसिणा बुइतं ।
'आता छेत्तं, तवो बीयं, संजमो जुअणंगलं । झाणं फालो निसित्तो य, संवरो य बीयं ददं ॥८॥ अकूडत्तं च कूडेसु, विणए णियमणे ठिते । तितिक्खा य हलीसा तु, दया गुत्ती य पग्गहा ॥९॥ सम्मत्तं गोत्थणवो, समिती उ समिला तहा । धितिजोत्तसुसंबद्धा सव्वण्णुवयणे रया ॥१०॥ पंचेव इंदियाणि तु खन्ता दन्ता य णिज्जिता । माहणेसु तु ते गोणा गंभीरं कसते किसिं ॥११॥ तवो बीयं अवंझं से, अहिंसा णिहणं परं । ववसातो धणं तस्स, जुत्ता गोणा य संगहो ॥१२॥ धिती खलं वसुयिकं, सद्धा मेढी य णिच्चला भावणा उ वती तस्स, इरिया दारं सुसंवुडं ॥१३॥ कसाया मलणं तस्स, कित्तिवातो व तक्खमा । णिज्जरा तु लवामीसा इति दुक्खाण णिक्खति' ॥१४॥ एतं किसिं कसित्ताणं सव्वसत्तदयावहं । माहणे खत्तिए वेस्से सुद्दे वापि विसुज्झती ॥१५॥
