Page Text
________________
श्रीजैनसिद्धान्त-खाध्यायमाला -
नो निग्गंथे इत्थीहिं सद्धिं सन्निसेन्जागए विहरेज्जा ॥ ३ ॥ नो इत्थीणं इन्दियाई मणोहराई मणोरमाई आलोइत्ता निज्झाइत्ता हवइ से निग्गन्थे । तं कहमिति चे आयरियाह । निग्गन्थस्स खलु इत्थीणं इन्दियाई मणोहराई मणोरमाई आलोएमाणस्स निज्झायमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्मायं वा पाउणिज्जा, दीहकालियं वा रोगायकं हवेजा, केवलिपन्नत्ताओ धम्माओ भंसेजा । तम्हा खलु नो निग्गन्थे इत्थीणं इन्दियाइं मणोहराई मणोरमाइं आलोएन्ज निज्झाएजा ॥ ४ ॥ नो इत्थीण कुडुन्तरंसि वा दूसन्तरंसि वा भित्तन्तरंसि वा कूइयसदं वा रुझ्यसई वा गीयसई वा हसियसदं वा थणियसदं वा कन्दियसई वा विलवियसई वा सुणेत्ता हवइ से निग्गन्थे । तं कहमिति चे । आयरियाह । निग्गन्थस्स खलु इत्थीणं कुडुन्तरंसि व दूसन्तरंसि वा भित्तन्तरंसि या कूड़यसदं वा रुइयसदं वा गीयसदं वा हसियसई वा थणियस वा कन्दिय सदं वा विलवियसई वा सुणेमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्मायं वा पाउणिज्जा, दीहकालियं वा रोगायंकं हवेजा केवलिपन्नत्ताओ धम्माओ भंसेज्जा । तम्हा खलु नो निग्गन्थे इत्थीणं कुडुन्तरंसि वा दूसन्तरंसि वा भित्तन्तरंसि वा कूइयसदं वा रुइयसदं वा गीयसदं वा हसियसदं वा थणियसई वा कन्दियसदं वा विलवियसदं वा सुलेमाणे विहरेज्जा ॥५॥ नो निग्गन्थे पुश्वरयं पुत्वकीलियं अणुसरित्ता हवइ से निग्गन्थे तं कहमिति चे । आयरियाह । निग्गन्थस्स खलु पुत्वरयं पुवकीलियं अणुसरमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्मायं वा पाउणिज्जा. दीड कालियं वा रोगायंक हवेजा, केवलिपन्नत्ताओ धम्माओ भंसेजा । तम्हा खलु नो निग्गण्थे पुत्वरयं पुवकीलियं अणुसरेज्जा ॥ ६॥ नो पणीयं आहारं आहरित्ता हवइ से निग्गन्थे । तं कहमिति चे । आयरियाह । निग्गन्थम्स खलु पणीयं आहारं आहारेमाणस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्मायं वा पाउणिज्जा, दीहकालियं वा रोगायंकं हवेजा, केवलिपन्नत्ताओ धम्माओ भंसेज्जा । तम्हा खलु नो निग्गन्थे पणीयं आहारं आहारेजा ।। ७ ।। नो अइमायाए पाणभोयणं आहारेत्ता हवइ से निग्गन्थे । तं कहमिति चे । आयरियाह । निग्गन्थस्स खलु अइमायाए पाणभोयणं आहारेमाणस्स बम्भयारिम्स बम्भचेरे संका वा कंखा वा विइगिच्छा वा समुप्पजिज्जा, भेदं वा ल भेजा, उम्मायं वा पाउणिजा, दीलकालियं वा रोगायंकं हवेजा, केवलिपन्नत्ताओ धम्माओ भंसेजा। तम्हा खलु नो निग्गन्थे अइमायाए पाणभोयणं आहारेज्जा ।। ८ ।। नो विभूसाणुवादी हवइ से निग्गन्थे । तं कहमिति चे आयरियाह । विभूसावत्तिए विभूसियसरीरे इत्थिजणस्स अभिलसणिज्जे हवइ तओ णं इत्थिजणेणं अभिलसिज्जमाणस्स बम्भचेरे संका वा कंखा वा विइगिच्छा वा समुप्पजिज्जा, भेदं वा लभेजा, उम्मायं वा पाउणिज्जा, दीहकालिय वा रोगायक हवेजा, केवलिपन्नत्ताओ धम्माओ भंसेजा। तम्हो खलु नो निग्गन्थे विभूसाणुवादी हविजा ॥६॥ नो सद्दरूवरसगन्धफासाणुवादी हवइ से निग्गन्थे । तं कहमिति चे । आयरियाह । निगन्थस्स खलु सदरूवगन्धफासाणुवादिस्स बम्भयारिस्स बम्भचेरे संका वा कंखा वा विइगिच्छा वा समुप्पजिजा, भेदं वा लभेजा, उम्माय वा पाउणिज्जा, दीहकालियं वा रोगायकं हवेजा, केव
| SR No. | 022591 |
| Book Title | Uttaradhyayan Sutram |
| Original Sutra Author | N/A |
| Author | Hiralal Hansraj |
| Publisher | Hiralal Hansraj |
| Publication Year | 1938 |
| Total Pages | 78 |
| Language | Sanskrit |
| Classification | Book_Devnagari & agam_uttaradhyayan |
| File Size | 11 MB |