Page Text
________________
श्रीदसवैकालिकसूत्र-पञ्चमाध्ययनम्
॥ अह पिंडेसणा णाम पंचमज्झयणं ॥
संपत्ते भिक्खकालम्मि, असंभंतो अमुच्छिओ। इमेण कमजोगेण, भत्तपाणं गवेसए ॥१॥ से गामे वा नगरे वा, गोअरग्गगो मुणी । चरे मंदमणुविग्गो, अवक्खित्तेण चेअसा ॥२॥ पुरओ जुगमायाए, पेहमाणो महिं चरे। वज्जतो बीअहरियाई, पाणे अदगमट्टिकं ॥३॥
ओवायं विसमं खाणुं, विज्जलं परिवजए । संकमेण न गच्छिज्जा, विजमाणे परक्कमे ॥ ४॥ पवडते व से तत्थ, पक्खलंते व संजए। हिंसेज पाणभूयाई, तसे अदुव थावरे ॥ ५। तम्हा तेण न गच्छिज्जा, संजए सुसमाहिए। सइ अण्णेण मग्गेण, जयमेव परक्कमे ॥ ६॥ इंगाले छारियं रासिं, तुसरासिं च गोमयं । ससरक्खेहिं पाएहिं, संजओ तं नइक्कमे ॥७॥ न चरेज वासे वासंते, महियाए पडंतिए । महावाए व वायंते, तिरीच्छसंपाइमेसु वा ॥ ८ ॥ न चरेज वेससामंते, बंभचेरवसाणुए। बंभयारिस्स दंतस्स, होज्जा तत्थ विसोहिआ ॥९॥ अणाययणे चरंतस्स, संसग्गीए अभिक्खए । होज वयाणं पीला, सामणम्मि अ संसओ ।। १० ।। तम्हा एअं विआणित्ता, दोसं दुग्गइवड्वणं । वजए वेससामन्तं, मुणी एगंतमस्सिए ॥ ११ ॥ साणं सूइअं गाविं, दित्तं गोणं हयं गयं । संडिब्भं कतेहं जुद्धं, दूरओ परिवजए ॥ १२ ॥ अणुन्नए नावणए, अप्पहिढे अणाउले। इंदिआई जहाभाग, दमइत्ता मुणी चरे ॥ १३ ॥ दवदवस्स न गच्छेज्जा, भासमाणो अगोचरे। हसन्तो नाभिगच्छेजा, कुलं उच्चावयं सया ॥ १४ ॥ आलो थिग्गलं दारं, संधिं दगभवणाणि अ। चरन्तो न विणिज्झाए, संकट्ठाणं विवजए ॥ १५ ॥ रनो गिहवईणं च, रहस्सारविक्खयाण य । संकिलेसकरं ठाणं, दूरओ परिवजए ॥ १६ ॥ पडिकुटुं कुलं न पविसे, मामगं परिवजए। अचियत्तं कुलं न पविसे, चियत्तं पविसे कुलं । १७ ॥ साणीपावारपिहिअं, अप्पणा नावपंगुरे । कवाडं नो पणुल्लिज्जा, उग्गहंसि अणाइआ ॥ १८ ॥ गोअरग्गपविट्ठो अ, वच्चमुत्तं न धारए । ओगासं फासु नचा, अणुनविय वोसिरे ॥ १९ ॥ णीयं दुवारं तमसं, कुट्ठगं परिवजए। अचक्खुविसओ जत्थ, पाणा दुप्पडिलेहगा ॥ २० ॥ जत्थ पुप्फाई बीआई, विप्पइन्नाई वोहए । अहुणोवलित्तं उल्लं, दट्ठणं परिवजए ॥ २१ ॥ एलगं दारगं साणं, वच्छगं वा वि कुट्ठए । उल्लंघिआ न पविसे, विउहित्ताण व संजए ॥ २२ ।। असंसत्तं पलोइजा, नाइदुरावलोअए । उप्फुल्लं न विणिज्झाए, नियट्टिज़ अयंपिरो ॥ २३ ॥ अइभूमि न गच्छेजा, गोअरग्गगओ मुणी । कुलस्स भूमि जाणि ता, मिश्र भूमि परक्कमे ॥ २४ ॥ तत्थेव पडिलेहिज्जा, भूमिभागविअक्खणो । सिणाणस्स य वच्चस्स, संलोगं परिवजए ॥ २५ ॥ दममटिअआयाणे, बीआणि हरिआणि अ । परिवज्जतो चिट्ठिजा, सविंदिअसमाहिए ॥ २६ ॥ तत्य से चिट्ठमाणस्स, आहारे पाणभोअणं । अकप्पिरं न इच्छिज्जा, पडिगाहिज कप्पिरं ।। २७ ॥ आहारन्ती सिआ तत्थ, परिसाडिज भोअणं । दिति पडिआइक्खे, न मे कप्पइ तारिसं ॥ २८ ।। संमद्दमाणी पाणाणि, बीआणि हरिआणि अ। असंजमकरिं नच्चा, तारिसिं परिवजए ॥ २९ ।। साहट निक्खिवित्ता णं, सचित्तं घट्टियाणि य । तहेव समणुट्ठाए, उदगं संपणुल्लिया ॥ ३० ।।
| SR No. | 022590 |
| Book Title | Siddhant Swadhyaya Mala - Uttaradhyayan Dashvakalik Nandi Uvavai Sukhvipak Sutrakritang |
| Original Sutra Author | N/A |
| Author | Hiralal Hansraj |
| Publisher | Hiralal Hansraj |
| Publication Year | 1938 |
| Total Pages | 136 |
| Language | Sanskrit |
| Classification | Book_Devnagari, agam_dashvaikalik, agam_uttaradhyayan, & agam_nandisutra |
| File Size | 14 MB |