________________
तवमग्गं
[-३०.३६ इत्थी वा पुरिसो वा अलंकिओ वाऽणलंकिओ वा वि। अन्नयरवयत्थो वा अन्नयरेणं व वत्थेणं ॥२२॥ अन्नेण विसेसेणं वण्णेणं भावमणुमुयन्ते उ। एवं चरमाणो खलु भावोमाणं मुणेयव्वं ॥२३॥ दवे खेत्ते काले भावम्मि य आहिया उ जे भावा। एपहि ओमचरओ पज्जवचरओ भवे भिक्खू ॥२४॥ अट्टविहगोयरग्गं तु तहा सत्तेव एसणा। अभिग्गहा य जे अन्ने भिक्खायरियमाहिया ॥२५॥ खीरदहिसप्पिमाई पणीयं पाणभोयणं । परिवज्जणं रसाणं तु भणियं रसविवज्जणं ॥२६॥ ठाणा वीरासणाईया जीवस्स उ सुहावहा । उग्गा जहा धरिज्जन्ति कायकिलेसं तमाहियं ॥२७॥ एगन्तमणावाए इत्थीपसुविवज्जिए। सयणासणसेवणया विवित्तं सयणासणं ॥२८॥ एसो बाहिरगतवो समासेण वियाहिओ। अन्भिन्तरं तवं एत्तो वुच्छामि अणुपुत्वसो ॥२९॥ पायच्छित्तं विणओ वेयावच्चं तहेव सज्झाओ। झाणं च विउस्सग्गो एसो अन्भिन्तरो तवो ॥३०॥ आलोयणारिहाईयं पायच्छित्तं तु दसविहं। जे भिक्खू वहई सम्मं पायच्छित्तं तमाहियं ॥ ३१॥ अन्भुटाणं अंजलिकरणं तहेवासणदायणं । गुरुभत्तिभावसुस्सूसा विणओ एस वियाहिओ ॥ ३९ ॥ आयरियमाईए वेयावच्चम्मि दसविहे। आसेवणं जहाथामं वेयावच्चं तमाहियं ॥ ३३॥ वायणा पुच्छणा चेव तहेव परियट्टणा। अणुप्पेहा धम्मकहा सज्झाओ पंचहा भवे ॥३४॥ अट्टरुद्दाणि वज्जित्ता झाएज्जा सुसमाहिए। धम्मसुक्काई झाणाई झाणं तं तु बुहा वए ॥ ३५ ॥ सयणासणठाणे वा जे उ भिक्खू न वावरे । कायस्त विउस्सग्गो छट्ठो सो परिकित्तिओ ॥३६॥
