________________
जीवाजीवविमत्ती [-३६.२५४ सागरा अउणतीसं तु उक्कोसेणं ठिई भवे। सत्तमम्मि जहनेणं सागरा अट्टवीसई ॥२३९ ॥ तीसं तु सागराई उक्कोसेणं ठिई भवे। अटुमम्मि जहन्नेणं सागरा अउणतीसई ॥२४॥ सागरा इक्वतीसं तु उक्कोसेणं ठिई भवे। नवमम्मि जहनेणं तीसई सागरोवमा ॥२१॥ तेत्तीस सागराइं उक्कोसेणं ठिई भवे। चउसु पि विजयाईसु जहनेणेक्वतीसई ॥ २४२ ॥ अजहन्नमणुक्कोसा तेत्तीस सागरोवमा। महाविमाणे सवढे ठिई एसा वियाहिया । २४३ ॥ जा चेव य आउठिई देवाणं तु वियाहिया। सा तेसि कायठिई जहनमुक्कोसिया भवे ॥२४४॥ अणन्तकालमुक्कोसं अन्तोमुहुतं जहनयं। विजढंमि सए काए देवाणं हुज्ज अन्तरं ॥ २५॥ एपसि वण्णओ चेव गन्धओ रसफाससो। .. संठाणदेसओ वावि विहाणाई सहस्सओ ॥ २४६ ॥ संसारत्था य सिधा य इय जीवा वियाहिया। रूविणो चेव रुवीय अजीवा दुविहा वि य ।। २४७॥ उय जीवमजीवे य सोचा सद्दहिऊण य। सम्वनयाणं अणुमए रमेज संजमे मुणी ॥ २४८॥ तओ बहूणि वासाणि सामण्णमणुपालिया। इमेण कम्मजोगेण अप्पाणं संलिहे मुणी ॥ २४९॥ बारसेव उवासाई संलेहुक्कोसिया भवे। संवच्छरं मज्झिमिया छम्मासा य जहनिया ॥ २५०॥ पढमे वासचउक्क्रमि विगई-निज्जूहणं करे। बिइए वासचउक्कम्मि विचित्तं तु तवं चरे ॥ २५१ ॥ एगन्तरमायामं कट्ठ संवच्छरे दुवे। तओ संवच्छरद्धं तु नाइविगिटुं तवं चरे ॥ २५ ॥ तओ संवरच्छरद्धं तु विगिट्टं तु तवं चरे। परिमियं चेव आया तमि संवच्छरे करे ॥२५३॥ कोडीसहियमायामं कट्ठ संवच्छरे मुणी। मासद्ध-मासिएणं तु आहारेण तवं चरे ॥१५४॥
