________________
तइओ उद्देसओ. ६. कप्पइ निग्गन्थाण वा निग्गन्थीण वा अकसिणाई चम्माइं धारेत्तए वा परिहरित्तए वा.
७. नो कप्पइ निग्गन्थाण वा निग्गन्थीण वा कसिणाई वत्थाई धारेत्तए वा परिहरित्तए वा.
८. कप्पइ निग्गन्थाण वा निग्गन्थीण वा अकसि. णाई वत्थाई धारेत्तए वा परिहरित्तए वा.
९. नो कप्पइ निग्गन्थाण वा निग्गन्थीण वा अभिनाई वत्थाई धारेत्तए वा परिहरित्तए वा. १०. कप्पइ निग्गन्थाण वा निग्गन्थीण वा भिन्नाई वत्थाई धारेत्तए वा परिहरित्तए वा.
११. नो कप्पइ निग्गन्थाणं ओग्गहणन्तगं वा ओग्गहणपट्टगं वा धारेत्तए वा परिहरित्तए वा.
१२. कप्पइ निग्गन्थीणं ओग्गहणन्तगं वा ओग्गहणपट्टगं वा धारेत्तए वा परिहरित्तए वा. १३. निग्गन्थीए य गाहावइकुलं पिण्डवायपडियाए अणुप्पविट्ठाए चेलटे समुप्पज्जेज्जा, नो से कप्पइ अप्पणो नीसाए चेलं पडिग्गाहेत्तए; कप्पइ से पवत्तिणीनीसाए चेलं पडिग्गाहेत्तए. १४. नो जत्थ पवत्तिणी समाणी सिया, जे तत्थ समाणे आयरिए वा उवज्झाए वा पवत्ती वा थेरे वा गणी वा गणहरे वा गणावच्छेइए वा, कप्पइ से तंनीसाए चेलं पडिग्गाहेत्तए.
