________________
७८ उत्तराध्ययनसूत्रम् (अध्ययनं २०) न तुम जाणे अणाहस्स, अत्थं पुत्थं च पत्थिवा ।। जहा अणाही भवई, सणाहो वा नराहिवा ॥ १६ ॥ सुणेह मे महाराय, अव्वक्खित्तेण चेयसा । जहा अणाही भवई, जहा मेयं पवत्तिन ॥ १७ ॥ कोसंबी नाम नयरी, पुराण पुरभेयणी । तत्थ आसो पिया मज्ज, पभूयधणसंचओ ॥ १८ ॥ पढमे वए महाराय अउला मे अच्छिवेयणा । अहोत्था विउलो दाहा, सव्वंगेसु य पत्थिवा ॥ १९ ॥ सत्य जहा परतिक्ख, सरीरविवरंतरे । आवीलिज्ज अरी कुद्धो, एवं मे अच्छिवेयणा ॥ २० ॥ तिय मे अंतरिच्छ च, उत्तमंगं च पीडई । इंदासणिसमा घोरा. वेयणा परमदारुणा ॥ २१ ॥ उवट्ठिया मे आयरिया, विज्जामंततिगिच्छया । अधोया सत्थकुसला, मंतमूलविसारया ॥ २२ ॥ ते मे तिगिच्छ कुवंति, चाउप्पाय जहाहियौं । न य दुक्खा विमायंति, एसा मज्झ अणाहया ॥ २३ ॥ पिया मे सव्वसारं पि, दिज्जा हि मम कारणा । न य दुक्खा विमाएइ, एसा मज्झ अणाहया ॥ २४ ॥ . माया य मे महाराय, पुत्तसेोगदुहट्टिया । न य दुक्खा विमोएइ. एसा मज्झ अणाहया ॥ २५ ॥ भायरो मे महाराय, सगा जेट्टकणिटुगा । न य दुक्खा विमायंति, एसा मज्झ अणाहया ॥ २६ ॥
