________________
.: उत्तराध्ययनसूत्रम् (अध्ययनं १२)
वियरिज्जइ खज्जइ भुज्जइ, अन्न पभूयं भवयाणमेयौं । जाणाहि मे जायणजीविणो त्ति, सेसावसेस लभऊ तवस्सी ॥१०॥ उवक्खड भोयण माहणाणं, अटियं सिद्धमिहेगपक्खं । न ऊ वयं एरिसमन्नपाणं, दाहामु तुझकिमिहं ठिओ सि ॥११॥ थलेसु बीयाइ ववंति कासगा, तहेव निन्नेसु य आससाए । एयाए सद्धाए दलाहि मज्ज्ञ', आराहए पुण्णमिणं खु खित्तं ।।१२।। खेत्ताणि अम्ह विइयाणि लोए, जहिं पकिण्णो विरुह ति पुण्णा । जे माहणो जाइविज्जोववेया, ताई तु खेत्ताइ सुपेसलाई ॥१३।। कोहो य माणो य वहा य जेसिं, मोस अदत्तं च परिग्गहौं च । ते माहणा जाइविज्जाविहूणा, ताई तु खेत्ताइ सुपावयाई ॥१४॥ तुब्भेत्थ भो भारधरा गिराणं, अद्भुन जाणाह अहिज्ज वेए । उच्चावयाई मुणिणो चरंति, ताई तु खेत्ताइ सुपेसलाई ॥१५॥ अज्झावयाणं पडिकलभासी, पभाससे किं तु सगासि अम्ह। अवि एतं विणस्सउ अन्नपाणं, न य णं दाहामु तुमं नियंठा ।।१६।। समितीहि मज्झ सुसमाहियस्स. गुत्तीहि गुत्तस्स जितिदियस्स । जइ मे न दाहित्थ अहेसणिज, किमित्थ जन्नाण लहित्थ
. लाह ॥ १७ ॥ के एत्थ खत्ता उवजोइया वा, भज्झावया वा सह खंडिएहि । एयौं तु दंडेण फलेण हता, कंठम्मि घेत्तूण खलेज जो णं ॥१८॥ भज्झावयाणं वयणं सुणेत्ता, उद्धाइया तत्थ बहू कुमारा । दडेहि वित्तेहि कसेहि चेव, ममागया इसितालयति ॥१९॥
