________________
उत्तराध्ययनसूत्रम् (अध्ययनं ९)
पुढवी साली जवा चेव, हिरण्णं पसुभिस्सह । पडिमुण्णं नालमेगस्स, इइ विजा तवं चरे ॥ ४९ ॥ एयमठु निसामित्ता, हेऊकारणचोइओ । तओ नमि रायरिसि, देविदा इणमब्बवी ॥ ५० ॥ अच्छेरयममुदए, भोए चयसि पत्थिवा । असंते कामे पत्थेसि, संकप्पेण विहन्नसि ॥ ५१ ॥ एयमढे निसामित्ता, हेऊकारणचाइओ । तओ नमी रायरिसी, देवे द इणमब्बवी ॥ ५२ ।। सल्लं कामा विसं कामा कामा आसीविसोवमा । कामे य पत्थेमाणा, अकामा जंति दोग्गइं ॥ ५३ ॥ अहे वयइ काहेणं, माणेणं अहमा गई । माया गई पडिग्धाओ लाभाओ दुहओ भयं ॥५४ ।। अवउझिऊण माहणरुवं, विरूविउण इंदत्तं । वंदइ अभित्थुणता, इमाहि महुराहि वगृहि ॥ ५५ ॥ अहो ते निजिओ कोहो, अहो माणो पराजिओ । अहो निरकिया माया, अहो लोभो वसीकओ ॥५६॥ अहो ते अन्नवं साहु, अहो ते साहु महवं । अहो ते उत्तमा खंती, अहो ते मुत्ति उत्तमा ॥ ५७ ।। इह सि उत्तमा भंते, पच्छा होहिसि उत्तमा । . लागुत्तमुत्तमं ठाणं, सिद्धिं गच्छसि नीरओ ॥५८ ॥ एवं अभित्थुणतो, रायरिसिं उत्तमाए सद्धाए । पायाहिण करेंतो, कुणो पुणो वंदई सक्को ॥ ५९॥
