________________
उसराध्ययनसूत्रम् (अभ्ययनं ८)
दुपरिचया इमे कामा, नो सुजहा अधीरपुरिसेहिं । अह संति सुव्वया साहू, जे तरंति अतरं वणिया वा ।। ६ ।। समणानुएगे बदमाणा, पाणवहं मिया अयाणंता । मंदा निरयं गच्छंति, बाला पावियाहिं दिठ्ठीहिं ॥ ॥ न हु पाणवहं अणुजाणे, मुच्चेज्ज कयाइ सव्वदुक्खाणं । एवारिएहिं अक्खाय, जेहिं इमो साहुधम्मो पन्नत्तो ।। ८ ।। पाणे य नाइवाएजा, से समीए त्ति वुच्चई ताई। तओ से पावयं कम्म, निजाइ उदगं व थालाओ ॥ ९ ॥ जगनिस्सिएहिं भूएहिं, तसनामें हिं थावरेहिं च । नो तेसिमारमे दंड, मणसा वयसा कायसा चेव ॥ १० ।। सुद्धसणाओ नच्चाणं, तत्थ ठवेज भिक्खू अप्पाणं । जायाए धासमेसेज्जा, रसगिद्धे न सिया भिक्खाए ॥ ११ ॥ पंताणि चेव सेवेजा, सीयपिंड पुराणकुम्मासं । अदु वक्कसं पुलागं वा, जवणट्ठाए निसेवए मंधुं॥ १२ ।। जे लक्खणं च सुमिण, अंगविजं च जे पांजति । न हु ते समणा वुच्चंति, एवं आयरिएहिं अक्खाय ।।१३।। इहजीवियं अणियमेत्ता, पब्भठ्ठा समाहिजोएहि । ते कामभोगरसगिद्धा, उववज्जंति आसुरे काए ॥ १४ ॥ तत्तो वि य उव्वट्टित्ता, संसारं बहुं अणुपरियड ति । बहुकम्मलेवलित्ताणं. बोही होइ सुदुल्लहा तेसि ॥ १५ ॥ कसिणं पि जो इमं लोय, पडिपुणं दलेज्ज इक्कस्स । तेणावि से न संतुस्से, इइ दुप्पूरए इमे आया ॥ १६ ॥
