________________
१३४ उत्तराध्ययनसूत्रम् (अध्ययन ३१) आयरियमाईए, वेवावच्चम्मि दसविहे ।। आसेवणं जहाथाम, वेयावच्च तमाहिय ।। ३३ ।। वायणा पुच्छणा चेव, तहेव परियट्टना । अणुपेहा धम्मकहा, सज्झाओ पंचहा भवे ।। ३४ ।। अट्टरुदाणि वज्जित्ता, झाएज्जा सुसमाहिए । धुम्मसुक्काई झाणाई, झाण तं तु बुहावए ॥ ३५ ॥ सयणासणठाणे वा, जे उ भिक्खू न वावरे । कायस्स विउस्सग्गो, छट्ठो सो परिकित्तिओ ।। ३६ ।। एवं तवं तु दुविहं, जे सम्मं आयरे मुणि । सो खिप्प सव्वसंसारा, विप्पमुच्चई पंडिओ ॥ ३७ ।। त्ति बेमि ॥ इति तवमग्ग णाम तीसइम अज्झयण समत्तं ॥ ३० ॥
॥ अह चरणविही एगतीसइमं
अज्झयणं ।।
चरणविहिं पवक्खामि, जीवस्स उ सुहावह । जं चरित्ता बहू जीवा तिण्णा मसारसागर ॥ १ ॥ एगओ विरई कुज्जा, एगओ य पवनण। असं जमे नियत्ति च, संजमे य पवत्तण ।। २ ।। रागदासे य दो पावे, पावकम्मपवत्तणे । जे भिक्खू रूभई निच्च, से न अच्छइ म डले ।। ३ ॥
