________________
८८ उत्तराध्ययनसूत्रम् (अध्ययन २२) सोऊण रायकन्ना, पव्वज्ज सा जिणस्स उ । नीहासा य निराणंदा, सोगेण उ समुत्थिया ।। २८ ।। राईमई विचितेइ, धिरत्थु मम जीवियं । जा हं तेण परिच्चत्ता, सेयं पव्वइउ मम ।। २९ ।। अह सा भमरसन्निभे, कुच्चफणगसाहिए । सयमेव लुचई केसे, धिइमंता ववस्सिया ॥ ३० ॥ वासुदेवा य गं भणइ, लुत्तकेस जिईदियं ।। संसारसागर घोरं, तर कन्ने लहु लहुं ॥ ३१ ।। सा पव्वइया संती, पव्वावेसी नहिं बहु । सयण परियण चेव, सीलवंता बहुस्सुया ।। ३२ ।। गिरि रेवतयं जती, वासेणुल्ला उ अंतरा । वासते अंधयारंमि, अंतो लयणस्स सा ठिया ।। ३३ ।। चीवराई विसारंती, जहा जाय त्ति पासिया । रहनेमी भग्गचित्तो, पच्छा दिवो य तीइ वि ।। ३४ ।। भीया य सा तहिं दट्ठः, एगते संजय तय । बाहाहिं काउ संगोप्फ, वेवमाणी निसीयई ॥ ३५ ॥ अह सो वि रायपुत्तो, समुद्दविजय गओ । भीय पवेविय द8, इम वक उदाहरे ॥ ३६ ।। रहनेमी अहं भदे, सुरूवे चारुभासिणि ।। मम भयाहि सुयणु, न ते पीला भविस्सई ॥ ३७ ।। एहि ता भुजिमा भोए, माणुस्स खु सुदुल्लह । भुत्तभोगी पुणो पच्छा, जिणमग्ग चरिस्समा ॥ ३८ ।।
