________________
८६५ भगवं च णं उदाहु-संतेगतिया समणोवासगा भवंति, तेसिं च णं
एवं वृत्तपुव्वं भवति-णो खलु वयं संचाएमो मुंडा भवित्ता जाव पव्वइत्तए, णो खलु वयं संचाएमो चाउद्दसट्ठमुद्दिट्ठपुण्णमासिणीसु पडिपुण्णं पोसधं अणुपालेत्तए णो खलु वयं संचाएमो अपच्छिम जाव विहरित्तए, वयंणं सामाइयं देसावकासियंपुरत्था पाईणंपडीणं दाहिणं उदीणं एत्ताव ताव सव्वपाणेहिं जाव सव्वसत्तेहिं दंडे णिक्खिते सव्वपाण-भूय-जीव-सत्तेहिं खेमंकरे अहमंसि । (१) तत्थ आरेणं जे तसा पाणा जेहिं समणोवासगस्स आयाणसो
आमरणंताए दंडे णिक्खित्ते ते ततो आउं विप्पजहंति, विप्पजहित्ता तत्थ आरेणं चेव जे तसा पाणा जेहिं समणोवासगस्स आयाणसो आमरणंताए दंडे णिक्खित्ते तेसु पच्चायंति, तेहिं समणोवासगस्स सुपच्चक्खायं भवइ, ते पाणा विवुच्चंति, ते तसा विवुच्चंती, ते महाकाया, ते चिरद्वितीया
जाव अयं पि भे देसे णो णेयाउए भवति । (२) तत्थ आरेणं जे तसा पाणा जेहिं समणोवासगस्स आयाणसो
जाव दंडे णिक्खित्ते ते ततो आउं विप्पजहंति, विप्पजहित्ता तत्थ आरेणंचेवजे थावरा पाणा जेहिं समणोवासगस्स अट्ठाए दंडे अणिक्खित्ते अणट्ठाए दंडे णिक्खित्ते तेसु पच्चायंति, तेहिं समणोवासगस्स अट्ठाए दंडे अणिक्खित्ते अणट्ठाए दंडे णिक्खित्ते, ते पाणा वि वुच्चंति, ते तसा वि वुच्चंति, ते
चिरद्विइया जाव अयं पि भे देसे णो णेयाउए भवति । (३) तत्थ जे ते आरेणं तसा पाणा जेहिं समणोवासगस्स आयाणसो
आमरणंताए दंडे णिक्खित्ते ते ततो आउं विप्पजहंति, विष्पजहित्ता तत्थ परेणंजे तस-थावरपाणा जेहिं समणोवासगस्स आयाणसो आमरणंताए (दंडे णिक्खित्ते) तेसु पच्चायंति, तेहिं समणोवासगस्स सुपच्चक्खातं भवति, ते पाणा वि जाव अयं
162
