________________
बहुपडिविरता पाणभूत-जीव-सत्तेहिं, ते अप्पणा सच्चामोसाइं एवं विप्पडिवेदेति-अहं ण हंतव्वे अण्णे हंतव्वा जाव कालमासे कालं किच्चा अण्णयराइं आसुरियाई किब्बिसाइंजाव उववत्तारोहवंति, ततो विप्पमुच्चमाणा भुज्जो एलमूयत्ताए तमोरूवत्ताए पच्चायंति, ते पाणा वि वुच्चंति जाव णो णेयाउए भवति ।
८६२ भगवंचणं उदाहु-संतेगतिया पाणा दीहाउया जेहिं समणोवासगस्स
आयाणसो जाव णिक्खित्ते, ते पच्छामेव कालं करेंति, करेत्ता पारलोइयत्ताए पच्चायंति, ते पाणा वि वुच्चंति, (ते) तसा वि (वुच्चंति), ते महाकाया, ते चिरद्वितीया, ते दीहाउया, ते बहुतरगा (पाणा) जेहिं समणोवासगस्सं आयाण(सो) जाव णो णेयाउए
भवति । ८६३ भगवं च णं (उदाहु-) संतेगतिया पाणा समाउआ जेहिं
समणोवासगस्स आयाणसो (जाव णिक्खित्ते), ते सममेव कालं करेंति, करेत्ता पारलोइयत्ताए पच्चायंति, ते पाणा वि (वुच्चंति), ते तसा (वि वुच्चंति), ते महाकाया, ते समाउया, ते बहुतर(गा) जावणो णेयाउए भवति ।
८६४ भगवं च णं (उदाहु-) संतेगतिआ पाणा अप्पाउया जेहिं
समणोवासगस्स आयाणसो आमरणंताए डंडे (जाव णिक्खित्ते), ते पुव्वामेव कालं करेंति, करेत्ता पारलोइयत्ताए पच्चायंति, ते पाणा (वि वुच्चंति), ते तसा (वि वुच्चंति), ते महा(काया), ते अप्पाउया, ते बहुतरगा पाणा जेहिं समणोवासगस्स पच्चक्खायं भवति, ते अप्पा जेहिं समणोवासगस्स अपच्चक्खायं भवति, इती से महया जाव णो णेआउए (भवति)।
160
