________________
३१५. णो चेव ते तत्थ मसीभवंति, ण मिज्जती तिव्वभिवेदणाए ।
तमाणुभागं अणुवेदयंता, दुक्खंति दुक्खी इह दुक्कडेणं ॥१६॥
३१६. तहिं च ते लोलणसंपगाढे, गाढं सुतत्तं अगणिं वयंति ।
न तत्थ सातं लभतीऽभिदुग्गे, अरहिताभितावा तह वी
तवेंति ॥१७॥
३१७. से सुव्वती नगरवहे व सद्दे, दुहोवणीताण पदाण तत्थ ।
उदिण्णकम्माण उदिण्णकम्मा, पुणो पुणो ते सरहं
दुहेति ॥१८॥
३१८. पाणेहि णं पाव विजोजयंति, तं भे पवक्खामि जहातहेणं ।
दंडेहि तत्था सरयंति बाला, सव्वेहिं दंडेहि पुराकएहिं ॥१९॥
३१९. ते हम्ममाणा णरए पडंति, पुण्णे दुरूवस्स महब्भितावे । ते तत्थ चिदंती दुरूवभक्खी, तुति कम्मोवगता
किमीहिं ॥२०॥
३२०. सदा कसिणं पुण घम्मठाणं, गाढोवणीयं अतिदुक्खधम्मं ।
अंदूसु पक्खिप्प विहत्तु देहं, वेहेण सीसं सेऽभितावयंति ॥२१॥
३२१. छिदंति बालस्स खुरेण नक्कं, उट्टे वि छिंदंति दुवे विकण्णे।
जिन्भं विणिक्कस्स विहत्थिमेत्तं, तिक्खाहिं सूलाहिं
तिवातयंति ॥२२॥ ३२२. ते तिप्पमाणा तलसंपुड व्व, रातिदियं जत्थ थणंति बाला ।
गलंति ते सोणितपूयमंसं, पज्जोविता खारपदिद्धितंगा ॥२३॥
84
