________________
२३४. जहा गंडं पिलागं वा परिपीलेज्ज मुहत्तगं ।
एवं विण्णवणित्थीसु दोसो तत्थ कुतो सिया ॥१०॥ २३५. जहा मंधादए नाम थिमितं भुंजती दगं ।
एवं विण्णवणित्थीसु दोसो तत्थ कुतो सिया ॥११॥ २३६. जहा विहंगमा पिंगा थिमितं भुंजती दगं ।
एवं विण्णवणित्थीसु दोसो तत्थ कुतो सिया ॥१२॥ २३७. एवमेगे उ पासत्था मिच्छादिट्ठी अणारिया ।
अज्झोववन्ना कामेहि पूतणा इव तरुणए ॥१३॥ २३८. अणागयमपस्संता पच्चुप्पन्नगवेसगा।
ते पच्छा परितप्पंति झीणे आउम्मि जोव्वणे ॥१४॥
२३९. जेहिं काले परक्कंतं न पच्छा परितप्पए ।
ते धीरा बंधणुम्मुक्का नावकंखंति जीवियं ॥१५॥
२४०. जहा नदी वेयरणी दुत्तरा इह सम्मता ।
एवं लोगंसि नारीओ दुत्तरा अमतीमता ॥१६॥ २४१. जेहिं नारीण संजोगा पूयणा पिट्ठतो कता ।
सव्वमेयं निराकिच्चा ते ठिता सुसमाहिए ॥१७॥ २४२. एते ओघं तरिस्संति समुदं (व) ववहारिणो ।
जत्थ पाणा विसण्णा सं कच्चंती सयकम्मुणा ॥१८॥ २४३. तं च भिक्खू परिण्णाय सुव्वते समिते चरे ।
मुसावायं विवज्जेज्जाऽदिण्णादाणाइ वोसिरे ॥१९॥
62
