________________
चउत्थो उद्देसओ
७६. एते जिता भो! न सरणं बाला पंडितमाणिणो ।
हेच्चा णं पुव्वसंजोगं सिया किच्चोवदेसगा ॥१॥ ७७. तं च भिक्खू परिण्णाय विज्जं तेसुण मुच्छए ।
अणुक्कसे अप्पलीणे मज्झेण मुणि जावते ॥२॥ ७८. सपरिग्गहा य सारंभा इहमेगेसि आहियं ।
अपरिग्गहे अणारंभे भिक्खू ताणं परिव्वते ॥३॥ ७९. कडेसु घासमेसेज्जा विऊ दत्तेसणं चरे ।
अगिद्धो विष्पमुक्को य ओमाणं परिवज्जते ॥४॥ ८०. लोगवायं निसामेज्जा इहमेगेसि आहितं ।
विवरीतपण्णसंभूतं अण्णण्णबुतिताणुयं ॥५॥ ८१. अणंते णितिए लोए सासते ण विणस्सति ।
अंतवं णितिए लोए इति धीरोऽतिपासति ॥६॥ ८२. अपरिमाणं विजाणाति इहमेगेसि आहितं ।
सव्वत्थ सपरिमाणं इति धीरोऽतिपासति ॥७॥ ८३. जे केति तसा पाणा चिटुंतऽदुव थावरा ।
परियाए अत्थि से अंजू तेण ते तस-थावरा ॥८॥ ८४. उरालं जगओ जोयं विपरीयासं पलेंति य ।
सव्वे अक्कंतदुक्खा य अतो सब्वे अहिंसिया ॥९॥
201
