________________
४७. एवमेगे नियायट्ठी धम्ममाराहगा वयं ।
अदुवा अधम्ममावज्जे ण ते सव्वज्जुयं वए ॥२०॥
४८. एवमेगे वितक्काहिं णो अण्णं पज्जुवासिया।
अप्पणो य वितक्काहि अयमंजू हि दुम्मती ॥२१॥ ४९. एवं तक्काए साहेंता धम्मा-ऽधम्मे अकोविया ।
दुक्खं ते नाइतुटुंति सउणी पंजरं जहा ॥२२॥
५०. सयं सयं पसंसंता गरहंता परं वइं।
जे उ तत्थ विउस्संति संसारं ते विउस्सिया ॥२३॥
५१. अहावरं पुरक्खायं किरियावाइदरिसणं ।
कम्मचिंतापणट्ठाणं संसारपरिवड्डणं ॥२४॥ ५२. जाणं काएण (s)णाउट्टी अबुहो जं च हिंसती ।
पुट्ठो वेदेति परं अवियत्तं खुसावज्जं ॥२५॥ ५३. संतिमे तओ आयाणा जेहिं कीरति पावगं।
अभिकम्माय पेसाय मणसा अणुजाणिया ॥२६॥ ५४. एए उ तओ आयणा जेहिं कीरति पावगं ।
एवं भावविसोहीए णेव्वाणमभिगच्छती ॥२७॥
५५. पुत्तं पिता समारंभ आहारट्ठमसंजए ।
भुंजमाणो य मेधावी कम्मुणा नोवलिप्पति ॥२८॥ ५६. मणसा जे पउस्संति चितं तेसिं न विज्जती ।
अणवज्ज अतहं तेसिं ण ते संवुडचारिणो ॥२९॥
12
