________________
९. जहा य पुढवीथूभे एगे नाणा हि दीसइ ।
एवं भो! कसिणे लोए एके विज्जा णु वत्तए ॥९॥ १०. एवमेगे त्ति जंपंति मंदा आरंभणिस्सिया।
एगे किच्चा सयं पावं तिव्वं दुक्खं नियच्छइ ॥१०॥
११. पत्तेयं कसिणे आया जे बाला जे य पंडिता ।
संति पेच्चा ण ते संतिणथि सत्तोवपातिया ॥११॥
१२. णत्थि पुण्णे व पावे वा णथि लोए इतो परे ।
सरीरस्स विणासेणं विणासो होति देहिणो ॥१२॥ १३. कुव्वं च कारवं चेव सव्वं कुव्वं ण विज्जति ।
एवं अकारओ अप्पा एवं ते उ पगल्भिया ॥१३॥ १४. जे ते उ वाइणो एवं लोए तेसिं कुओ सिया।
तमातो ते तमं जंति मंदा आरंभनिस्सिया ॥१४॥
१५. संति पंच महन्भूता इहमेगेसि आहिता ।
आयछट्ठा पुणेगाऽऽहु आया लोगे य सासते ॥१५॥ १६. दुहओ ते ण विणस्संति नो य उप्पज्जए असं ।
सव्वे वि सव्वहा भावा नियतीभावमागता ॥१६॥
१७. पंच खंधे वयंतेगे बाला उखणजोगिणो ।
अन्नो अणन्नो णेवाऽऽहु हेउयं च अहेउयं ॥१७॥ १८. पुढवी आऊ तेऊ य तहा वाऊ य एकओ।
चत्तारि धाउणो रूवं एवमाहंसु जाणगा ॥१८॥
