________________
५०६. एयं खु णाणिणो सारं, जं न हिंसति कंचणं । अहिंसा समयं चेव, एतावंतं विजाणिया ॥ १० ॥
५०७. उड्डुं अहे तिरियं च, जे कइ तस - थावरा । सव्वत्थ विरतिं विज्जा, संति निव्वाणमाहियं ॥ ११॥ ५०८. पभू दोसे निराकिच्चा, ण विरुज्झेज्ज केणति मणसा वयसा चेव, कायसा चेव अंतसो ॥ १२ ॥ ५०९. संवुडे से महापणे, धीरे दत्तेसणं चरे ।
एसणासमिए णिच्चं, वज्जयंते असणं ।। १३ ।।
५१०. भूयाई समारंभ, समुद्दिस्स य जं कडं ।
तारिसं तु ण गेण्हेज्जा, अन्नं पाणं सुसंजते ॥१४॥
५११. पूतिकम्मं ण सेवेज्जा, एस धम्मे वुसीमतो ।
जं किंचि अभिकंखेज्जा, सव्वसो तं ण कप्पते ॥ १५॥
५१२. हणंतं नाणुजाणेज्जा, आतगुत्ते जिइंदिए ।
ठाणाइं संति सड्डीणं, गामेसु णगरेसु वा ॥ १६ ॥ ५१३. तहा गिरं समारंभ, अस्थि पुण्णं ति नो वदे । अहवा णत्थि पुण्णं ति, एवमेयं महब्भयं ॥१७॥
५१४. दाणट्टयाए जे पाणा, हम्मंति तस - थावरा । तेसिं सारक्खणट्ठाए, तम्हा अस्थि त्ति णो वए ॥ १८ ॥
५१५. जेसिं तं उवकप्पेंति, अण्ण-पाणं तहाविहं । तेसिं लाभंतरायं ति, तम्हा णत्थि त्ति णो वदे ॥१९॥
132
