________________
पढमं अज्झयणं 'समयो'
पढमो उद्देसओ १. बुझिज्ज तिउद्देज्जा बंधणं परिजाणिया।
किमाह बंधणं वीरे? किं वा जाणं तिउट्टई? ॥१॥ २. चित्तमंतमचित्तं वा परिगिज्झ किसामवि।
अन्नं वा अणुजाणाति एवं दुक्खा णं मुच्चइ ॥२॥ ३. सयं तिवायए पाणे अदुवा अण्णेहिं घायए ।
हणंतं वाऽणुजाणाइ वेरं वड्डेति अप्पणो ॥३॥ ४. जस्सिं कुले समुष्पन्ने जेहिं वा संवसे णरे ।
ममाती लुप्पती बाले अन्नमन्नेहिं मुच्छिए ॥४॥ ५. वित्तं सोयरिया चेव सव्वमेतं न ताणए ।
संखाए जीवियं चेव कम्मणा उतिउट्टति ॥५॥
६. एए गंथे विउक्कम्म एगे समण-माहणा। ____ अयाणंता विउस्सिता सत्ता कामेहि माणवा ॥६॥ ७. संति पंच महब्भूया इहमेगेसिमाहिया ।
पुढवी आऊ तेऊ वाऊ आगासपंचमा ॥७॥ ८. एते पंच महन्भूया तेब्भो एगो त्ति आहिया ।
अह एसि विणासे उ विणासो होइ देहिणो ॥८॥
