________________
४३०. अतिक्कमं ति वायाएं, मणसा वि ण पत्थए । सव्वतो संवुडे दंते, आयाणं सुसमाहरे ॥२०॥ ४३१. कडं च कज्जमाणं च, आगमेस्सं च पावगं । सव्वं तं णाणुजाणंति, आतगुत्ता जिइंदिया ॥ २१ ॥ ४३२. जे याऽबुद्धा महानागा, वीरा असम्मत्तदंसिणो । असुद्धं तेसि परक्कंतं, सफलं होइ सव्वसो ॥२२॥
४३३. जे य बुद्धा महानागा, वीरा सम्मत्तदंसिणो ।
सुद्धं तेसिं परक्कंतं, अफलं होति सव्वसो ॥२३॥
४३४. तेसिं पि तवोऽसुद्धो, निक्खंता जे महाकुला । जं नेवऽन्ने वियाणंति, न सिलोगं पवेदए ॥ २४ ॥
४३५. अप्पपिंडासि पाणासि, अप्पं भासेज्ज सुव्वते । खंतेऽभिनिव्वडे दंते, वीतगेही सदा जते ॥ २५ ॥
४३६. झाणजोगं समाहट्टु, कायं विउसेज्ज सव्वसो । तितिक्खं परमं णच्चा, आमोक्खाए परिव्वज्जासि ॥ २६ ॥ त्ति बेमि ।
॥ वीरियं सम्मत्तं । अष्टममध्ययनं समाप्तम् ॥
114
