________________
७. सत्तमं अज्झयणं 'कुसीलपरिभासियं'
३८१. पुढवी य आऊ अगणी य वाऊ, तण-रुक्ख-बीया य तसा य पाणा।
जे अंडया जे य जराउ पाणा, संसेयया जे रसयाभिघाणा ॥१॥
३८२. एताइं कायाइं पवेदियाइं, एतेसुजाण पडिलेह सायं ।
एतेहिं कायेहि य आयदंडे, एतेसु या विप्परियासुर्विति ॥२॥
३८३. जातीवहं अणुपरियट्टमाणे, तस-थावरेहिं विणिघायमेति ।
से जाति-जाती बहुकूरकम्मे, जं कुव्वती मिज्जति तेण
बाले ॥३॥
३८४. अस्सिंचलोगे अदुवा परत्था, सतग्गसो वा तह अन्नहा वा ।
संसारमावन परं परं ते, बंधंति वेयंति य दुण्णियाइं ॥४॥
३८५. जे मायरं च पियरं च हेच्चा, समणव्वदे अगणि समारभेज्जा ।
अहाहु से लोगे कुसीलधम्मे, भूताई जे हिंसति आतसाते ॥५॥
३८६. उज्जालओ पाण तिवातएज्जा, निव्वावओ अगणि तिवातइज्जा।
तम्हा उ मेहावि समिक्ख धम्म, ण पंडिते अगणि
समारभेज्जा ॥६॥
३८७. पुढवी वि जीवा आऊ वि जीवा, पाणा य संपातिम संपयंति ।
संसेदया कट्ठसमस्सिता य, एते दहे अगणि समारभंते ॥७॥
102
