________________
३६८. अणुत्तरग्गं परमं महेसी, असेसकम्मं स विसोहइता।
सिद्धिं गतिं साइमणंत पते, नाणेण सीलेण य दंसणेणं ॥१७॥
३६९. रुक्खेसु णाते जह सामली वा, जंसी रति वेतयंती सुवण्णा ।
वणेसु या नंदणमाहु सेढे, णाणेण सीलेण य भूतिपन्ने ॥१८॥
३७०. थणियं व सद्दाण अणुत्तरे तु, चंदो व ताराण महाणुभागे।
गंधेसुया चंदणमाहु सेढे, सेटे मुणीणं अपडिण्णमाहु ॥१९॥ ३७१. जहा सयंभू उदहीण सेढे, णागेसु या धरणिंदमाहु सेठे।
खोतोदए वा रसवेजयंते, तवोवहाणे मुणिवेजयंते ॥२०॥ ३७२. हत्थीसु एरावणमाहुणाते, सीहे मियाणं सलिलाण गंगा ।
पक्खीसु या गरुले वेणुदेवे, णिव्वाणवादीणिह णायपुत्ते ॥२१॥
३७३. जोहेसु णाए जह वीससेणे, पुप्फेसु वा जह अरविंदमाहु ।
खत्तीण सेढे जह दंतवक्के, इसीण सेढे तह वद्धमाणे ॥२२॥ ३७४. दाणाण सेढे अभयप्पदाणं, सच्चेसु या अणवज्जं वदंति ।
तवेसु या उत्तमबंभचेरं, लोउत्तमे समणे नायपुत्ते ॥२३॥ ३७५. ठितीण सेट्ठा लवसत्तमा वा, सभा सुधम्मा व सभाण सेट्ठा ।
निव्वाणसेट्ठा जह सव्वधम्मा, णणायपुत्ता परमत्थि णाणी ॥२४॥
३७६. पुढोवमे धुणति विगतगेही, न सन्निहिं कुव्वति आसुपण्णे।
तरितुं समुदं व महाभवोघं, अभयंकरे वीरे अणंतचक्खू ॥२५॥
98
