________________
६. छट्ठे अज्झयणं 'महावीरत्थवो'
३५२. पुच्छिंसु णं समणा माहणा य, अगारिणो यं परतित्थिया य । से के इणेगंतहिय धम्ममाहु, अणेलिसं साधुसमिक्खयाए ॥ १ ॥
३५३. कहं च णाणं कह दंसणं से, सीलं कहं नातसुतस्स आसी । जाणासि णं भिक्खु जहातहेणं, अहासुतं बूहि जहा णिसंतं ॥२॥
३५४. खेयण्णए से कुसले आसुपन्ने, अनंतणाणी य अनंतदंसी ।
जसंसिणो चक्खुपहे ठियस्स, जाणाहि धम्मं च धिरं च पेहा ॥ ३ ॥
३५५. उड्डुं अहे य तिरियं दिसासु, तसा य जे थावर जे य पाणा । से णिच्चणिच्चेहि समिक्ख पण्णे, दीवे व धम्मं समियं उदाहु ॥४॥
३५६. से सव्वदंसी अभिमूय णाणी, निरामगंधे धिइमं ठितप्पा । अणुत्तरे सव्वजगंसि विज्जं, गंथातीते अभए अणाऊ ॥५॥ ३५७. से भूतिपणे अणिएयचारी, ओहंतरे धीरे अनंतचक्खू । अणुत्तरं तप्पति सूरिए वा, वइरोयणिदे व तमं पगासे ॥६॥
३५८. अणुत्तरं धम्ममिणं जिणाणं, णेता मुणी कासवे आसुपण्णे । इंदे व देवाण महाणुभावे, सहस्सनेता दिवि णं विसिट्टे ॥७ ॥
94
