Page Text
________________
91
-VIII,69]
नायाधम्मकहाओ. प्पिया ! तुब्भे पव्वयह अम्हं के अन्ने आहारे जाव पव्वयामो। तए गं से महब्बले राया ते छप्पिय० एवं वयासी- जइ णं तुम्भे मए सद्धिं जाव पव्वयह तो गं गच्छह जेट्टे पुत्ते सएहिं २ रज्जेहिं ठावेह पुरिससहस्सवाहिणीओ सीयाओ दुरूढा जाव पाउन्भवंति । तए णं से महब्बले राया छप्पियबालवयंसए पाउब्भूए पासइ २ हट्ट जाव कोडुंबियपुरिसे सहावेइ २ बलभद्दस्स रायाभिसेओ जाव आपुच्छइ । तए णं से महब्बले जाव महया इड्डीए पव्वइए एक्कारसअंगवी बहूहिं चउत्थ जाव भावेमाणे विहरइ । तए णं तेसिं महब्बलपामोक्खाणं सत्तण्हं अणगाराणं अन्नया कयाइ एगयओ सहियाणं इमेयारूवे मिहोकहासमुल्लावे समुप्पज्जित्थाजं णं अम्हं देवाणुप्पिया एगे तवोकम्म उवसंपज्जित्ताणं विहरइ तं गं अम्हेहिं सव्वेहिं तवोकम्मं उवसंपज्जित्ताणं विहरित्तए तिकटु अन्नमन्नस्स एयमढे पडिसुणेति २ बहूहिं चउत्थ जाव विहरंति । तए णं से महब्बले अणगारे इमेणं कारणेणं इत्थिनामगोयं कम्मं निव्वत्तिंसुजइ णं ते महब्बलवज्जा छ अणगारा चउत्थं उवसंपज्जित्ताणं विहरंति तओ से महब्बले अणगारे छठें उवसंपज्जिचाणं विहरइ । जइ णं ते महब्बलवज्जा छ अणगारा छठें उवसंपज्जित्ताणं विहरंति तओ से महब्बले अणगारे अट्ठमं उवसंपज्जित्ताणं विहरइ । एवं अह अट्ठमं तो दसमं अह दसमं तो दुवालसमं । इमेहि य णं वीसाएहि य कारणेहिं आसेवियबहुलीकएहिं तित्थयरनामगोयं कम्मं निव्वत्तेसु तंजहा - अरहंतसिद्धपवयणगुरुथेरबहुस्सुए तवस्सीसुं। वच्छल्लया य तेसिं अभिक्ख नाणोवओगा य ॥१॥ दंसणविणए आवस्सए य सीलव्वए निरइयारो। खणलवतवचियाए वेयावच्चे समाही य ॥२॥ अपुव्वनाणगहणे सुयभत्ती पवयणे पहावणया । एएहिं कारणेहिं तित्थयरत्तं लहइ सों उ ॥३॥ तए णं ते महब्बलपामोक्खा सत्त अणगारा मासियं भिक्खुपडिमं उवसंपज्जित्ताणं विहरति जाव एगराइयं । तए णं ते महबलपामोक्खा सत्त अणगारा खुड्डागं सौहनिक्कीलियं तवोकम्मं उवसंपज्जित्ताणं विहरंति तंजहा-घउत्थं करेंति २ सव्वकामगुणियं पारेंति २
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |