Page Text
________________
86
मायाधम्मकहाओ
[VII.68
पाउसंसि महाचुडिकायंसि निवइयंसि समाणंसि खुड्डागं केयारं सुपरिकम्मियं करेह २ इमे पंच सालिअक्खए वावेह २ दोच्चपि तच्वंपि उक्खयनिहए करेह २ वाडिपक्खेवं करेह २ सारक्खमाणा संगोवेमाणा आणुपुवेणं संवह । तए णं ते कोडुंबिया रोहिणीए एयमहं पडिसुर्णेति ते पंच सालिअक्खए गेहति २ अणुपुव्वेणं सारक्खंति संगोविंति । तए णं ते कोडुंबिया पदमपाउसांस महावुट्ठिकार्यसि निवइयंसि समाणंसि खुड्डागं केयारं सुपरिकम्मियं करेंति २ ते पंच सालिअक्खए ववंति दोच्चंपि तच्चंपि उक्खयनिहए करेंति २ वाडिपरिक्खेवं करेंति अणुपुव्वेणं सारक्खेमाणा संगोवेमाणा संवडेमाणा विहरंति । तए णं ते साठी अणुपुव्वेणं सारक्खिज्ज माणा संगोविज्जमाणा संवडिज्जमाणा साली जाया किण्हा किण्होभासा जाब निउरंबभूया पासाईया ४ । तए णं ते साली पत्तिया बत्तिया गब्भिया पसूइया आगयगंधा खीराइया बद्धफला पक्का परियागया सल्लईया पत्तईया हरियपव्वंकंडा जाया यावि होत्था । तए णं
कोडुबिया साली पत्तिए जाव सल्लइयपत्तइए जाणित्ता तिक्खेहिं नवपज्जणएहिं असिएहिं लुणंति २ करयलमलिए करेंति २ पुणंति । तत्थ णं चोक्खाणं सूइँयाणं अखंडाणं अफुडियाणं छडछडापूर्याणं सालीणं मागहुए पत्थए जाए । तए णं ते कोडुंबिया ते साली नवएस घडएसु पक्खिवंति उल्लिंपति २ लंछियमुद्दिए करेंति २ कोट्ठागारस्स एगदेसंसि ठावेंति २ सारक्खमाणा संगोवेमाणा विहरंति । तए णं ते कोडुंबिया दोच्चंसि वासारत्तंसि पढमपाउसंसि महावुट्ठिकार्यंसि निवइयंसि खुड्डागं केयारं सुपरिकम्मियं करेंति ते साली ववंति दोच्चपि उक्खाय णिहए जाव लुणंति जाव चलणतैलमलिए करेंति २ पुर्णति । तत्थ णं सालीणं बहवे कुंडवा जाव एगदेसंसि ठावेंति २ सारक्खेमाणा संगोवे - माणा विहति । तए णं ते कोडुंबिया तच्चंसि वासारत्तंसि महाबुद्धिकार्यसि निवइयंसि बहवे केयारे सुपरिकम्मिए जाव लुति २ संवहंति २ खलयं करेंति २ मलेंति जाव बहवे कुंभा जाया । तए णं ते कोडुंबिया साली कोट्ठागारंसि पल्लेवंति जाव विहरंति । चउत्थे वासारत्ते बहवे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |