Page Text
________________
-II.1.151] नायाधम्मकहाओ
223 पासस्स अरहओ पुरिसादाणीयस्स अंतिए धम्म सोच्चा निसम्म हट्ट जाव हियया पासं अरहं पुरिसादाणीयं तिक्खुत्तो वंदइ नमसइ २ एवं वयासीसदहामि णं भंते ! निग्गंथं पावयणं जाव से जहेयं तुब्भे वयह जं नवरं देवाणुप्पिया! अम्मापियरो आपुच्छामि तए णं अहं देवाणुप्पियाणं अंतिए जाव पव्वयामि । अहासुहं देवाणुप्पिए। तए णं सा काली दारिया पासेणं अरहया पुरिसादाणीएणं एवं वुत्ता समाणी हह जाव हियया पासं अरहं वंदइ नमसइ २ तमेव धम्मियं जाणप्पवरं दुरूहइ २ पासस्स अरहओ पुरिसादाणीयस्स अंतियाओ अंबसालवणाओ चेइयाओ पडिनिक्खमइ २ जेणेव आमलकप्पा नयरी तेणेव उवागच्छइ २ आमलकप्पं नयरिं मझमझेणं जेणेव बाहिरिया उवट्ठाणसाला तेणेव उवागच्छइ २ धम्मियं जाणप्पवरं ठवेइ २ धम्मियाओ जाणप्पवराओ पच्चोरुहइ २ जेणेव अम्मापियरो तेणेव उवागच्छइ २ करयलपरिग्गहियं जाव एवं वयासी - एवं खलु अम्मयाओ! मए पासस्स अरहओ अंतिए धम्मे निसंते । से वि य धम्मे इच्छिए पडिच्छिए अभिरुइए । तए णं अहं अम्मयाओ! संसारभउव्विग्गा भीया जम्मणमरणाणं इच्छामि गं तुब्भेहिं अब्भणुन्नाया समाणी पासस्स अरहओ अंतिए मुंडा भवित्ता आगाराओ अणगारियं पवइत्तए । अहासुहं देवाणुप्पिए ! मा पडिबंधं करेहि । तए णं से काले गाहावई विउलं असणं ४ उवक्खडावेह २ मित्तनाइनियगसयणसंबंधिपरियणं आमंतेइ २ तओ पच्छा पहाए जाव विपुलेणं पुप्फवत्थगंधमल्लालंकारेणं सकारेइ सम्माणेइ २ तस्सेव मित्तनाइनियगसयणसंबंधिपरियणस्स पुरओ कालियं दारियं सेयापीएहिं कलसेहिं ण्हावेइ २ सव्वालंकारविभूसियं करेइ २ पुरिससहस्सवाहिणिं सीयं दुरूहेइ २ मित्तनाइनियगसयणसंबंधिपरियणेणं साद्धं संपरितुडे सव्विड्डीए जाव रवेणं आमलकप्पं नयरिं मझमझेणं निग्गच्छइ २ जेणेव अंबसालवणे चेइए तेणेव उवागच्छइ २ छत्ताइए तित्थगराइए पासइ २ सीयं ठावेइ २ कालियं दारियं सीयाओ पच्चोरहइ । तए णं तं कालियं रियं अम्मापियरो पुरओ काउं जेणेव पासे अरहा पुरिसादाणीए
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |