Page Text
________________
- III) मंते ! अनावणस्त समणे० के अटे पनत्ते १ एवं खलु जंबू । तेणं कालेणं २ रायगिहे नयरे गुणसिलए चेइए सेणिए राया चेल्लणा देवी सामी समोसढे परिसा निग्गया जाव परिसा पन्जुवासइ । तेणं कालेणं २ काली देवी चमरचंचाए रायहाणीए कालवडेंसर्गभवणे कालंसि सीहासणंसि चउहिं समाणियसाहस्सीहिं चाहिं मयहरियाहिं सपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसाहिं आयरक्खदेवसाहस्सीहिं अन्नेहि य बहूहिं कालवडिंसयभवणवासीहिं असुरकुमारेहिं देवेहि देवीहिं य सद्धिं संपरिवुडा महयाहय जाव विहरइ इमं च णं केवलकप्पं जंबुद्दीवं २ विउलेणं ओहिणा आभोएमाणी २ पासइ ऎत्थ समणं भगवं महावीरं जंबुद्दीवे दीवे भारहे वासे रायगिहे नयरे गुणसिलए चेइए अहापडिरूवं उग्गहं ओगिण्हित्ता संजमेणं तवसा अप्पाणं भावेमाणं पासइ २ हहतुट्ठचित्तमाणंदिया पीइमणा जाव हियया सीहासणाओ अब्भुढेइ २ पायपीढाओ पच्चोरुहइ २ पाउया ओमुयइ २ तित्थगराभिमुही सत्तट्ठ पयाइं अणुगच्छइ २ वामं जाणुं अंचेइ २ दाहिणं जाणुं धरणियलंसि निहटु तिक्खुत्तो मुद्धाणं धरणियलंसि निवेसेई ईसिं पच्चुन्नमइ २ कडगतुडियथंभियाओ भुयाओ साहरइ २ करयल जाव कटु एवं वयासी - नमोत्थु णं अरहंताणं जाव संपत्ताणं । नमोत्थु णं समणस्स भगवओ महावीरस्स जाव संपाविउकामस्स । वंदामि गं भगवंतं तत्थगयं इहगया पासउ मे समणे ३ तत्थगए इहगयं तिकटु वंदइ नमसइ २ सीहासणवरंसि पुरत्थाभिमुहा निसण्णा । तए णं तीसे कालीए देवीए इमेयारूवे जाव समुप्पजित्था तंजहा-सेयं खलु मे समणं ३ वंदित्ता जाव पज्जुवासित्तए त्तिकटु एवं संपेहेइ २ आभिओगिया देवा सद्दावेइ २ एवं वयासी- एवं खलु देवाणुप्पिया ! समणे ३ एवं जहा सूरियाभो तहेव आणत्तियं देह जाव दिव्वं सुरवराभिगमणजोग्गं करेह २ जाव पञ्चप्पिणह । तेवि तहेव करेत्ता जाव पञ्चप्पिणंति नवरं जोयणसहस्सवित्थिण्णं जाणं सेसं तहेव । बहेव नामगोयं साहेइ तहेव नट्टविहिं उवदंसेइ जाव पडिगया। भंते त्ति भगवं गोत्रमे समणं ३ बंदइ नमसइ २ एवं वयासी - कालीए
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |