Page Text
________________
-1.163
नयाधम्मकहाओ
इट्ठाहिं कंताहिं जाव समासासेइ । तए णं सेणिए राया अभएणं कुमारेणं एवं वुत्ते समाणे हट्टतुढे जाव अभयं कुमारं सकारेइ संमाणेइ २ पडिविसज्जेइ।
(16) तए णं से अभए कुमारे सक्कारिए सम्माणिए पडिविसजिए समाणे सेणियस्स रण्णो अंतियाओ पडिनिक्खमइ २ जेणामेव सए भवणे तेणामेव उवागच्छइ २ सीहासणे निसण्णे । तए णं तस्स अभयकुमारस्स अयमेयारूवे अज्झथिए जाव समुप्पज्जित्था- नो खलु सक्का माणुस्सएणं उवाएणं मम चुल्लमाउयाए धारिणीए देवीए अकालडोहलमणोरहसंपत्तिं करित्तए नन्नत्थ दिव्वेणं उवाएणं । अस्थि णं मज्झ सोहम्मकप्पवासी पुव्वसंगइए देवे महिड्डीए जाव महासोक्खे । तं सेयं खलु मम पोसहसालाए पोसहियस्स बंभयारिस्स उम्मुंकमणिसुवण्णस्स ववगयमालावण्णगविलेवणस्स निक्खित्तसत्थमुसलस्स एगस्स अबीयस्स दब्भसंथारोवगयस्स अट्ठमभत्तं पगिण्हित्ता पुव्वसंगइयं देवं मणसीकरेमाणस्स विहरित्तए। तए णं पुव्वसंगइए देवे मम चुल्लमाउयाए धारिणीए देवीए अयमेयारूवं अकालमेहेसु डोहलं विहिइ। एवं संपेहेइ २ जेणेव पोसहसाला तेणामेव उवागच्छइ २ पोसहसालं पमज्जइ उच्चारपासवणभूमि पडिलेहेइ २ दब्भसंथारगं दुरूहइ २ अट्ठमभत्तं पगिण्हइ २ पोसहसालाए पोसहिए बंभयारी जाव पुत्वसंगइयं देवं मणसीकरेमाणे २ चिट्ठइ। तएणं तस्स अभयकुमारस्स अट्ठमभत्ते परिणममाणे पुत्वसंगइयस्स देवस्स आसणं चलइ । तए णं पुत्वसंगइए सोहम्मकप्पवासी देवे आसणं चलियं पासइ २ ओहिं पउंजइ । तए णं तस्स पुत्वसंगइयस्स देवस्स अयमेयारूवे अज्झथिए जाव समुप्पज्जित्था- एवं खलु मम पुव्वसंगइए जंबुद्दीवे २ भारहे वासे दाहिणड्वभरहे रायगिहे नयरे पोसहसालाए पोसहिए अभए नाम कुमारे अट्ठमभत्तं पगिण्हित्ता णं मम मणसीकरेमाणे २ चिट्ठइ । तं सेयं खलु मम अभयस्स कुमारस्स अंतिए पाउब्भवित्तए । एवं संपेहेइ २ उत्तरपुरस्थिमं दिसीभागं अवकमइ २ वेउव्वियसमुग्धाएणं समोहणइ २ संखेज्जाई जोयणाई दंडं निसिरह ।
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |