Page Text
________________
198
नायाधम्मकहाओ
... EXVI.195
सक्कारेइ सम्माणेइ जाव पडिविसज्जेइ । तए णं सा कोंती जाव पंडुस्स एयमह निवेएइ । तए ण पंडू राया पंच पंडवे सहावेइ २ एवं वयासीगच्छह णं तुब्भे पुत्ता ! दाहिणिल्लं वेयालिं । तत्थ णं तुम्भे पंडुमहुरं निवेसेह । तए णं ते पंचपंडवा पंडुस्स रन्नो जाव तहत्ति पडिसुणेति २ सबलवाहणा हयगया हथिणाउराओ पडिनिक्खमंति २ जेणेव दक्खिणिल्ले वेयाली तेणेव उवागच्छंति २ पंडुमहुरं नाम नगरं निवेसंति । तत्थवि णं ते विपुलभोगसमिइसमन्नागया यावि होत्था ।
____133) तए णं सा दोवई देवी अन्नया कयाइ आवन्नसत्ता जायावि होत्था । तए णं सा दोवई देवी नवण्हं मासाणं जाव सुरूवं दारगं पयाया सूमालं निव्वत्तबारसाहस्स इमं एयारूवं - जम्हा णं अम्हं एस दारए पंचण्हं पंडवाणं पुत्ते दोवईए देवीए अत्तए तं होऊ णं इमस्स दारगस्स नामधेजं पंडुसेणे त्ति । तए णं तस्स दारगस्स अम्मापियरो नामधेनं करेंति पंडुसेणत्ति । बावत्तरि कलाओ जाव अलंभोगसमत्थे जाए जुवराया जाव विहरइ । थेरा समोसढा परिसा निग्गया । पंडवा निग्गया धम्म सोच्चा एवं वयासी - जं नवरं देवाणुप्पिया ! दोवई देविं आपुच्छामो पंडुसेणं च कुमारं रज्जे ठावेमो तओ पच्छा देवाणुप्पियाणं अंतिए मुंडे भवित्ता जाव पव्वयामो । अह्रासुहं देवाणुप्पिया ! तए णं ते पंचपंडवा जेणेव सए गिहे तेणेव उवागच्छंति २ दोवई देविं सहावेंति २ एवं वयासी- एवं खलु देवाणुप्पिए ! अम्हेहिं थेराणं अंतिए धम्मे निसंते जाव पव्वयामो । तुम णं देवाणुप्पिए । किं करेसि ? तए णं सा दोवई ते पंचपंडवे एवं वयासी- जइ णं तुम्भे देवाणुपिया! संसारभउव्विग्गा जाव पव्वयह मम के अन्ने आलंबे वा जाव भविस्सइ ? अहं पि य णं संसारभउव्विग्गा देवाणुप्पिएहिं सद्धिं पव्वइस्सामि । तए णं ते पंचपंडवा पंडुसेणस्स अभिसेओ जाव राया जाए जाव रजं पसाहेमाणे विहरइ । तए णं ते पंचपंडवा दोवई य देवी अन्नया कयाइ पंडुसेणं रायाणं आपुच्छंति । तए णं से पंडुसेणे राया कोडुबियपुरिसे सहावेइ २ एवं वयासी - खिप्पामेव भो ! देवाणुप्पिया ! निक्खमणा
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |