Page Text
________________
196
नायाधम्मकहाओ [XVI.131कण्हे वासुदेवे गंगं महानइं बाहाहिं उत्तरित्तए उदाहु नो पहू उत्तरित्तए त्तिकटु एगट्टियाओ ग्रूमेंति २ कण्हं वासुदेवं पडिवालेमाणा २ चिट्ठति । तए णं से कण्हे वासुदेवे सुट्टियं लवणाहिवइं पासइ २ जेणेव गंगा महानई तेणेव उवागच्छइ २ एगट्टियाए सव्वओ समंता मग्गणगवेसणं करेइ २ एगढियं अपासमाणे एगाए बाहाए रहं सतुरगं ससारहिं गेण्हइ एगाए बाहाए गंगं महानई बासहिं जोयणाई अद्धजोयणं च वित्थिण्णं उत्तरिउं पयत्ते यावि होत्था । तए णं से कण्हे वासुदेवे गंगाए महानईए बहुमज्झदेसभाएं संपत्ते समाणे संते तंते परितंते बद्धसेए जाए यावि होत्था । तए णं तस्स कण्हस्स वासुदेवस्स इमेयारूवे अज्झथिएअहो णं पंच पंडवा महाबलवगा जेहिं गंगामहानई बावहिँ जोयणाई अद्धजोयणं च वित्थिण्णा बाहाहिं उत्तिण्णा । इच्छंतएहिं णं पंचहिं पंडवेहिं पउमनाभे हयमहिय जाव नो पडिसेहिए । तए णं गंगादेवी कण्हस्स वासुदेवस्स इमं एयारूवं अज्झत्थियं जाव जाणित्ता थाहं वियरइ। तएणं से कण्हे वासुदेवे मुँहुत्तंतरं समासासेइ २ गंगं महानदिं बावहिं जाव उत्तरइ २ जेणेव पंचपंडवा तेणेव उवागच्छइ पंच पंडवे एवं वयासीअहो णं तुब्भे देवाणुप्पिया! महाबलवगा जेहिं णं तुब्भेहिं गंगामहानई बावहिँ जाव उत्तिण्णा । इच्छंतएहिं णं तुब्भेहिं पउमनाहे जाव नो पडिसेहिए । तए णं ते पंच पंडवा कण्हेणं वासुदेवेणं एवं वुत्ता समाणा कण्हं वासुदेवं एवं वयासी-एवं खलु देवाणुप्पिया! अम्हे तुब्भहिं विसज्जिया समाणा जेणेव गंगा गहानई तेणेव उवागच्छामो २ एगट्टियाए मग्गणगवेसणं तं चेव जाव घूमेमो तुम्भे पडिवालेमाणा चिट्ठामो । तए णं से कण्हे वासुदेवे तेसिं पंचपंडवाणं अंतिए एयमढे सोचा निसम्म आसुरुत्ते जाव तिवलियं एवं वयासी - अहो णं जया भए लवणसमुई दुवे जोयणसयसहस्सवित्थिण्णं वीईवइत्ता पउमनाभं हयमहियं जाव पडिसेहित्ता अवरकंका संभग्गा दोवई साहत्थिं उवणीया तया णं तुब्भेहिं मम माहप्पं न विनायं इयाणिं जाणिस्सह त्तिकटु लोहदंडं परामुसइ पंचण्हं पंडवाणं रहे सुसूरेइ २ निव्विसए आणवेइ २ तत्थ णं रहमदणे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |