Page Text
________________
-XVI.139] नायाधम्मकहाओ
189 लभामि तो गं अहं पायालाओ वा भवणाओ वा अद्धभरहाओ वा समंतओ दोबइं देविं साहत्थिं उवणेमि तिकटु कोंतीपिउच्छि सकारेइ सम्माणेइ जाव पडिविसज्जेइ । तए णं सा कोंती देवी कण्हेणं वासुदेवेणं पडिविसजिया समाणी जामेव दिसि पाउन्भूया तामेव दिसि पडिगया । तए णं से कण्हे वासुदेवे कोडुंबियपुरिसे सहावेइ २ एवं वयासी- गच्छह णं तुब्भे देवाणुप्पिया ! बारवई नयरिं एवं जहा पंडू तहा घोसणं घोसावेद जाव पञ्चप्पिणंति पंडुस्स जहा । तए णं से कण्हे वासुदेवे अन्नया अंतोअंतेउरगए ओरोहे जाव विहरइ । इमं च णं कच्छुल्लए नारए जाव समोवइए जाव निसीइत्ता कण्हं वासुदेवं कुसलोदंतं पुच्छइ । तए णं से कण्हे वासुदेबे कच्छुल्लं नारयं एवं वयासी-तुमं णं देवाणुप्पिया! बहूणि गामागर जाव अणुपविससि ।तं अस्थियाइं ते कहिंचि दोवईए देवीए सुई वा जाव उवलद्धा ? तए णं से कच्छुल्लए कण्हं वासुदेवं एवं पयासी- एवं खलु देवाणुप्पिया ! अन्नया कयाइं धायईसंडे दीवे पुरथिमद्धं दाहिणड्डभरहवासं अवरकंकारायहाणिं गए । तत्थ णं मए पउमनाभस्स रन्नो भवणसि दोवई देवी जारिसिया दिट्ठपुव्वा यावि होत्था । तए णं कण्हे वासुदेवे कच्छुलं एवं बयासी- तुब्भं चेव णं देवाणुप्पिया ! एयं पुव्वकम्मं । तए णं से कच्छुल्लनारए कण्हेणं वासुदेवेणं एवं वुत्ते समाणे उप्पयणि विजं आवाहेइ २ जामेव दिसिं पाउब्भूए तामेव दिसिं पडिगए । तए णं से कण्हे वासुदेवे दूयं सहावेइ २ एवं वयासी- गच्छह णं तुमं देवाणुप्पिया ! हत्थिणारं पंडुस्स रन्नो एयमहं निवेएहि - एवं खलु देवाणुप्पिया ! दोवई देवी धायईसंडदीवे पुरथिमद्धे अवरकंकाए रायहाणीए पउमनाभभवणसि साहिया दोवईए देवीए पउत्ती उवलद्धा । तं गच्छंतु पंच पंडवा चाउरंगिणीए सेणाए सद्धिं संपरिवुडा पुरत्थिमवेयालीए ममं पडिवालेमाणा चिटुंतु । तए णं से दूए जाव भणइ जाव पडिवालेमाणा चिट्ठह तेचि जाब चिट्ठति । तए णं से कण्हे वासुदेवे कोदुंबियपुरिसे सहावेइ २ एवं पयासी - गच्छह गं तुब्भे देवाणुप्पिया!
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |