________________
द्वितीयाध्याय :
[ ३१
णिजकम्मविप्पमुक्के; खीणणेरइआउए खीणतिरक्खजोणिआउए खीणमणुस्साउए खीणदेवाउए अणाउए निराउए खीणाउए आउकम्मविप्पमुक्के; गइजाइसरीरंगोवंगबंधणसंघयण संठाणअणेगबोंदिविंदसंघायविप्पमुक्के खीणसुभनामे खीणअसुभणामे अणामे निण्णामे खीणनामे सुभासुभणामकम्मविप्पमुक्के; खीणउच्चागोए खीणणीआगोए अगोए निग्गोए खीणगोए उच्चणीयगोत्तकम्मविप्पमुक्के; खीणदाणंतराए खीणलाभंतराए खीणभोगंतराए खीणउवभोगंतराए खीणविरियंतराए अणंतराए णिरंतराए खीणंतराए अंतरायकम्मविप्पमुक्के; सिद्ध बुद्धे मुत्ते परिणिव्वुए अंतगडे सव्वदुक्खप्पहीणे, सेतं खयनिप्फएणे, से तं खइए। ___से किं तं खओवसमिए? दुविहे पण्णत्ते, तं जहा-खओवसमिए य खोवसमनिप्फणणे य । से किं तं खोवसमे ? घउण्हं घाइकम्माणं खओवसमेणं, तं जहा-णाणावरणिज्जस्स दंसणावरणिजस्स मोहणिज्जस्स अंतरायस्स खओवसमेणं, से तं खोवसमे । से किं तं खोवसमनिप्फरणे ? अणेगविहे पएणत्ते, तं जहा-खोवसमिआ आभिणिबोहिअ-णाणलद्धी जाव खओवसमिया मणपजवणाणलद्धी खओवसमिआ मइअण्णाणलद्धी खओवसमिया सुअ-अण्णाणलद्धी खोवसमिआ विभंगणाणलद्धीखोवसमिआ चक्खुदंसणलद्धी अचक्खुदंसणलद्धी ओहिदंसणलद्धी एवं सम्मदंसणलद्धी मिच्छादंसणलद्धी सम्ममिच्छा
