________________
तिलोयपण्णत्ती
णियणियोहिक्खेत्तं णाणारूवाणि तह विकुब्वंता। पूरंति असुरपहुदी भावणदेवा दसवियप्पा ॥१८२॥
।ओही गदा । गुणजीवा पजस्ती पाणा सण्णा य मग्गणा कमसो। उवजोगा कहिदव्या एदाण कुमारदेवाणं ॥१८३।। भवणसुराणं अवरे दो गुणठाणं चउ संखा | मिच्छाइट्ठी सासणसम्मो मिस्सो विरदसम्मा ॥१८४॥ जीवसमासं दो च्चिय वित्ति य पुण्ण पुण भेदेण । पजत्ती छुच्चेव य तेत्तियमेत्ता अपजत्ती ॥१८५॥ पंच य इंदियपाणा मणवचकायाणि आउआणपाणाणि | पजत्ते दस पाणा इदरे मणवयणआणपाणुणा ॥१८६॥ चउसण्णा ता उभयमेहुणआहारगंथणामाणि । देवगदी पंचक्खा तसकाया एक्करसजोगा ॥१८७॥ चउ मण चउ वयणाई वेगुम्बदुगं तहेव कम्माई। पुरिसित्थीसंहूणा. सयलकसाएहिं परिपुण्णा ॥१८८॥ सव्वे छण्णणजुदा मइसुदणाणाणि ओहिणाणं च । मदिअण्णाणं तुरिमं सुदअण्णाणं विभंगणाणं पि ॥१८९॥ सव्वे असंजदाई सणजुत्ता य चक्खुअचक्खोहीलेस्सा। किण्हा णीला काउया पीता य मज्झिमसजुदा (१) ॥१९०॥ भव्वाभव्वा एव्व हि सम्मत्तेहिं सवगिणदा सव्वे । उवसमवेदगमिच्छासासासण मिस्साणि ते होंति ॥१९१॥ सव्वे य भवणदेवा हवंति आहारिणे अणाहारो । सायारणयायारा उवजोगा होंति सव्वाणं ॥१९२॥ मज्झिमविसोहिसहिदा उदयागदसत्तपरिदिसत्तिगदा । एवं गुणठाणजुत्ता देवं वा होइ देवीउ ॥१९३॥
।गुणठाणादि सम्मत्ता। सेढीअसंखभागो विदगलपढमवग्गमूलहदो । भवणेसु एक्कसमए जायंति मरंति तेमेत्ता ॥१९४॥
। जम्मणमरणजीवाणं संखा समत्ता । छच्चेव (?); 2 असंजदा हि (?); 3 सासायण (१); 4 BS अणाहोरो 5 देवा वा होंति देवीठ (१)।
