________________
तिलोयपएणत्ती
११५
कुंडं दीवा सेला भवणं भवणस्स उवरिमं कूडं । तस्सि जिणपडिमानो सव्वं पुव्वं व वत्तव्वं ॥२६॥ णवार विसेसों एसो सिंधूकूडंमि सिंधुदेवि ति। बहुपरिवारेहि जुदा उवभुंजदि विविहसोक्खाणं ॥२६२॥ गंगाणई व सिंधू विजयडगुहाय उत्तरदुवारे । पविसिय वेदीजुत्ता दक्खिणदारेण णिस्सरदि ॥२६३॥ दक्खिणभरहस्सद्ध पाविय पच्छिमपभासतित्थम्मि । चोइससहस्ससरियापरिवारा पविसए उवहिं ॥२६४॥ तोरणउच्छेहादी गंगाए वगिणदा जहा पुव्वं । . सस्सव्वं सिंधूए वत्तचा णिउणबुद्धीहि ॥२६५॥ गंगासिंधुणईणं वेयडणगेण भरहखेत्तम्मि । छक्खंडं संजादं ताण विभागं परूवेमो ॥२६६॥ उत्तरदक्खिणभरहो खंडाणिं तिगिण होति पत्तक । दक्खिणतियखंडेसुं अजाखंडो ति मझिवा ॥२६७॥ सेसा वि पंच खंडा णामेणं होंति मेच्छखंड स्ति। उत्तरतियखंडेसु मज्झिमखंडस्स बहुमज्झे ॥२६८॥ चक्कीण माणमलणो णाणाचक्कहरणामसंछण्णो। मूलोवरिमज्झेसं रयणमओ होदि वसहगिरी ॥२६९॥ जोयणसयमुब्बिद्धो पणुवीसं जोयणाणि अवगाढो। एकसयमूलरुंडा पण्णत्तरि मज्झवित्थारो ॥२७॥
...१०० । २५। १००। ७५ । पण्णासजोयणाई वित्थारो होदि तस्स सिहरम्मि। मूलोवरि मज्मेसं चेडे ते वेदिवणसंडा ॥२७॥ चउतोरणेहि जुत्तो पोक्खरिणीवाविकूवपरिपुण्णा । वजिंदणीलमरगयकक्केयणपउमरायमया ॥२७२॥ होति हु वरपासादा विचित्तविण्णासमणहरायारा। दिप्पंतरयणदीवा वसहगिरिंदस्स सिहरम्मि ॥२७३॥ वररयणकंचणमया जिणभवणा विविहसुंदरायारा।
चेति वगणणाओ पुग्वं पिव होंति सव्वावो ॥२७४॥ ID उस्सेहादी ; 2 तस्सव्वं (१); 3 जुत्ता (१); 4 सव्वाओ (१) ।
