Page Text
________________
& (o૮) સભ્યત્વીમુદી ભાષાંતર NR અને પરનિંદા કરનારને નિશે દાન દેવું નહીં. વળી સાધુએ અભક્ત, અભિમાની, અવૃતિ તથા દીનતાના કારણ એવા લોકોના ઘેરથી આહાર લાવવો નહીં.'
આ સર્વ સાંભળીને સોમપ્રભ રાજા અતિ દ્રઢ શ્રાવક થયો, ઇંદ્રિઓને વશ કરી કૃતજ્ઞ અને વિનયવંત થયો, કષાયરહિત અને શાંત થયો, સમ્યકદ્રષ્ટિ તથા મહાપવિત્ર એવો થયો. વળી તે શ્રદ્ધાળુ, ભક્તિમાન, પકર્મમાં તત્પર, સિદ્ધાંત, શીળ, તપ, દાન અને પ્રભુની પૂજાને વિષે સાવધાન થયો. આવા ગુણોએ કરીને યુક્ત સોમપ્રભ રાજા કાળે કરી ઉગ્ર તપ કરતો બહુ સુખી થયો.”
આ સર્વ વૃત્તાંત જયારે સોમશર્મા મંત્રીએ સાંભળ્યો, ત્યારે તે પણ કહેવા લાગ્યોઃ “હે ભગવન્! હવે મહારે આપનું જ શરણ છે. મને જૈનધર્મ અંગિકાર કરાવીને તારો.” તે ઉપરથી મુનિએ તેને પણ શ્રાવકનાં બારવ્રત ગ્રહણ કરાવ્યાં. તે સ્વિકારીને મંત્રી બોલ્યો. “હે ગુરુ, ! હવે આ ભવને વિષે લોહશસ્ત્ર ન રાખવાનો હું નિયમ કરૂં છું.” પછી તેણે કાષ્ટનું ખડ્રગ કરાવીને તેને મનોજ્ઞ મ્યાનમાં રાખવા માંડ્યું. એમ કરતાં રાજાની સેવામાં ઘણો કાળ ગયો.
એકદા કોઈ દુષ્ટ માણસે જઈને રાજાને કહ્યું. “હે રાજન ! આપનો સચિવ કાષ્ટના ખગથી આપની સેવા કરે છે, તો તે યુદ્ધને વિષે લોહના શસ્ત્ર વિના શત્રુઓને કેવી રીતે હણી શકશે? માટે હવે તેને તમારો ભક્ત નહીં સમજતા. આવા પુરુષો વિષે કહ્યું છે કે : તેઓ પોતાના ગુણ તથા પ્રાણનો પણ ત્યાગ કરીને પારકા સુખમાં વિઘ્ન લાવે છે. જેવી રીતે કે, માખી છે તે ઝટ અન્નના કોળીઆમાં પડીને પણ માણસને વમન કરાવે છે. પેલા દુષ્ટ પુરુષનાં વચન સાંભળીને રાજા તે વખતે કાંઈ બોલ્યો નહીં, પણ કોઈ અવસરે તેણે સભામાં ખગ્નની વાત કાઢી; એટલે સર્વ રાજકુમારોએ પોતપોતાની તલવાર બહાર કાઢીને રાજાને બતાવી. પછી તેણે પોતાના મંત્રી સોમશર્માની તલવાર જોવા માગી. મંત્રી તો તેનો મનોભાવ જાણી ગયો, તેથી તેણે વિચાર્યું કે, “આ કોઈ દુષ્ટ પુરુષનું કામ છે, નહીં તો રાજા, મહારા ખડ્રગની પરિક્ષા કરવાનું શું કામ ઈચ્છે? કહેલા શબ્દો તો પશુ પણ ગ્રહણ કરે. હસ્તિ, અશ્વ વિગેરે પણ પ્રેર્યાથી તો આગળ ચાલે, પણ અણકહેલું તો પંડિત પુરુષો જ સમજી જાય; કારણ કે, પારકા મનોભાવ જાણી લેવા એ બુદ્ધિનું જ ફળ છે.” એટલે તેણે મનમાં દેવ-ગુરુનું સ્મરણ કર્યું કે, “જો મને
| SR No. | 022348 |
| Book Title | Samyktva Kaumudi Tatha Adinath Shakunavali |
| Original Sutra Author | N/A |
| Author | Padmabodhivijay |
| Publisher | Jinshasan Aradhana Trust |
| Publication Year | 2001 |
| Total Pages | 156 |
| Language | Gujarati, Sanskrit |
| Classification | Book_Gujarati & Book_Devnagari |
| File Size | 12 MB |