________________
गइ-इंदिए अकाए, जोए वेए कसाय नाणे अ । संजम-दसण-लेसा, भवसम्मे सन्नि-आहारे ॥४५॥ नरगइ-पणिदि तस भव, सन्नि अहक्खाय खइयसम्मत्ते। मुक्खोऽणाहार केवल,-दसण-नाणे न सेसेसु ॥४६॥ दव्वपमाणे सिद्धाणं, जीवदव्वाणि हुंतिऽणताणि । लोगस्स असंक्खिज्जे, भागे इक्को य सव्वेवि ॥४७॥ फुसणा अहिया कालो, इग-सिद्ध-पडुच्च साइओणंतो । पडिवायाऽभावाओ, सिद्धाणं अंतरं नत्थ ॥४८॥ सव्वजोयाणमणंते, भागे ते तेसिं दंसणं नाणं । खइए भावे परिणा,-मिए अ पुण होइ जीवत्तं ॥४९॥ थोवा नपुंससिद्धा, थी-नर-सिद्धा कमेण संखगुणा । इअ मुक्खतत्तमेअं, नवतत्ता लेसओ भणिआ ॥५०॥ जीवाइ नव पयत्थे, जो जाणइ तस्स होइ सम्मत्तं । .. भावेण सद्दहतो, अयाणमाणेऽवि सम्मत्तं ॥५१॥ सव्वाई जिणेसर भासियाई, वयणाई नन्नहा हुंति । इइ बुद्धि जस्स मणे, सम्मत्तं निच्चलं तस्स ॥५२॥ अंतोमुहुत्तमित्तंपि, फासियं हुज जेहिं सम्मत्तं । तेसिं अवडूढपुग्गल,-परियट्टो चेव संसारो ॥५३॥
