________________
सिरिवालकहा ] 131
[ अध्याय-३छज्जीवकायरक्खणंनिउणा हासाइछक्कमुक्का जे । धारंति अ वयछकं, ते सव्वे साहुणो वंदे ॥६॥ जे जियसत्तभया, गयअट्ठमया नवावि बंभगुत्तीओ। पालंति अप्पमत्ता, ते सव्वे साहुणो वंदे ॥ ७ ॥ दसविहधम्म तह, बारसेव पडिमाओ जे अ कुव्वंति । बारसविहं तवोवि अ, ते सव्वे साहुणो वंदे ॥ ८ ॥ जे सत्तरसंजमंगा, उव्वूढाहारसहससीलंगा। विहरंति कम्मभूमिसु, ते सव्वे साहुणो वंदे ॥९॥
जं सुद्धदेवगुरुधम्मतत्तसंपत्तिसद्दहणरूवं । वणिजइ सम्मत्तं, तं सम्मइंसणं नमिमो ॥१॥ जावेगकोडाकोडीसागरसेसा न होइ कम्मठिई। ताव न जं पाविजइ, तं सम्मइंसणं नमिमो ॥२॥ भव्वाणमद्भपुग्गलपरियट्टवसेसभवनिवासाणं । जं होइ गंठिभेए, तं सम्मइंसणं नमिमो ॥३॥ जं च तिहा उवसमिअं, खओवसमियं च खाइयं चेव । भणि जिणिंदसमए, तं सम्महंसणं नमिमो ॥४॥
