________________
२९१
मूलशुद्धिप्रकरणम्-द्वितीयो भागः
'अइरमणीओ दीवो सुंदरि ! ता उत्तरित्तु पेच्छामो' । सा वि परितुट्ठचित्ता तेण समं भमइ दीवम्मि ॥८८॥ अण्णण्णेसु वणेसुं कमेण पिच्छंति सरवरं एकं । उत्तुंगपालिसंठियनाणाविहतरुवरसणाहं ॥८९॥ अइसच्छ-साउ-सीयलजलपुण्णं सयलजलयरसणाहं । दट्ठण तयं मज्जंति दो वि तत्तो वि उत्तरिउं ॥९॥ जा तव्वणगहणेसुं भमंति ता सच्चवंति एगत्थ । रमणीयलयाहरयं तम्मज्झे करिय सत्थरयं ॥११॥ दोण्णि वि णुवण्णयाइं खणेण ★ निद्दावसंगया बाला । तो चिंतइ से भत्ता निग्घिणहियओ जहा "एत्थ ॥१२॥ मुंचामि इमं जेणं मरइ सयं चेव एगिया रण्णे" । इय चिंतिऊण सणियं सणियं उस्सक्किउं जाइ ॥९३॥ वहणेसुं विलवंतो माइल्लो उच्चउच्चसद्देहिं । सथिल्लएहिं पुट्ठो, 'रुयसि किमत्थं ?' ति सो भणइ ॥१४॥ "सा मम भज्जा भाउय ! ख द्धा घोरेण छुहियरक्खेण । तं दटुं भयभीओ अहमेत्थ पलाइउं पत्तो ॥९५।। तो पूरह वहणाई मा एत्थ समागमिस्सई रक्खो" । ते वि तओ भयभीया पूरंति झड त्ति वहणाई ॥१६॥ सो वि हु आहाराई दुक्खकंतो व्व मुच्चइ खणेण । रोवइ विलवइ कुट्टइ उर-सिरमाईणि मायाए ॥९७॥ हियएणं पुण तुट्ठो चिंतइ 'नणु सोहणं इमं जायं । जं लोगऽववाओ वि हु हु परिहरिओ एवविहियम्मि' ॥९८॥ सथिल्लएहिं तत्तो पडिबोहिय भोइओ इमो वि तओ । अइमहया कट्टेणं संजाओ विगयसोगो व्व ॥९९॥ पत्ता य जवणदीवं सव्वेसि वि हिययवंछियाओ वि । जाओ अहिओ लाभो कमेण गिण्हित्तु पडिपणिए ॥१०॥
१. ला. अइअच्छ ॥ २. ★★एतच्चिह्नद्वयान्तर्गतः पाठः ला. संज्ञकप्रतावेवोपलब्धः ॥
