________________
१६४
मूलशुद्धिप्रकरणम्-द्वितीयो भागः तो तस्स परिक्खत्थं कोढियरूवं विउव्वियं तियसो । लिंपइ नियरसियाए निरंतरं सामिणो पाए ॥१॥ तं दट्ठण नरिंदो कोवफुरप्फुरियउट्ठजुयलिल्लो । चिंतइ "पिच्छह पावो परिभवइ कहं तिलोयगुरुं ॥७२॥ ता निहणामि एयं गुरुपरिभवकारिणं महापावं । अहव न जुत्तं एयं परमेसरपायमूलम्मि ॥७३॥ जम्हा हु उवसमंती समत्थवेराणि भगवओ पुरओ । ता निग्गच्छउ एसो पच्छा काहामि जं जोग्गं" ॥७४॥ एत्थंतरम्मि छीए जिणेण सो भणइ 'मरसु सिग्छ ति । अहिययरं परिकुविओ "पावस्स अहो ! अवण्ण त्ति ॥७५॥ जम्हा सामण्णेण वि, छीयम्मि जणो पयंपई 'जियसु' । एसो उ भयवओ वि हु कह जंपइ निट्ठरं वयणं?" ||७६॥ एवं चितंतेणं छीयं तेणेव सेणियनिवेण । अह कुंढिएण पलत्तं 'सुइरं तं जियसु नरनाह !' ॥७७|| चितइ पुणो वि राया 'हुं मज्झ भएण भणइ जियसु' त्ति । अभएण वि छीयम्मि 'मरसु व जीवसु व' सो भणइं ॥७८॥ कालयसोयरिएण वि छीए 'मा जीव मा य मरसु' त्ति । इय जंपिऊण तियसो निक्खंतो समवसरणाओ ॥७९॥ अह सन्निया य पुरिसा दिट्ठीए सेणिएण जह एयं । गिण्हह ते पुट्ठीए जा लग्गा ताव सो तियसो ॥८०॥ गयणम्मि समुप्पइओ होऊणं ललियकंडलाभरणो । पुरिसा वि सेणिएणं घरम्मि पत्तेण परिपुट्ठा ॥८१॥ तेहिं वि सव्वं कहियं तओ नरिंदस्स विम्हओ जाओ। बीयदिणम्मि य पुट्ठो वुत्तं सिरिजिणो भयवं ॥८२॥ कहिओ य भगवया से 'एसो देवो हु दडुरंको' ति । भणइ निवो 'जइ देवो ता रसियं लायए कीस ?' ॥८३॥
१. "विकुर्व्य" इत्यर्थः ॥ २. ला. एरिसं व ॥ ३. ला. कुट्टिणा प" ||
