________________
मूलशुद्धिप्रकरणम्-द्वितीयो भागः
मग जह सिक्खवियं राया वि हु मुद्धओ त्ति कलिऊण । पडिवज्जिय तं सव्वं दिणे दिणे कुणइ अक्खलिय ॥३२॥ ऊसारगट्ठियं तं दद्धुं लोगो विचितए एवं । 'एसो निववल्लहओ भयामु अम्हे वि जेणेसो ॥३३॥
अम्हाणं पि हु कज्जं विण्णवई तह य आवईए य । जायइ य परित्ताणं इय चितिय भणइ से लोगो ||३४||
तो दक्खिणलोभेणं पुव्विल्लं वमियं अन्न गेहेसु । जाइ तओ वित्थरिओ रिद्धी पुत्त - मंडेहिं ॥३५॥ वमणस्स कुसुद्धीए कोढो अइदारुणो समुप्पण्णो । मंतीहिं तयं दद्धुं विण्णविओ नरवई एवं ||३६|| संचारिमरोगोऽयं बाढं ता देव ! भोयणमिमस्स । अग्मासम्म पुत्ता कुणंतु तं मण्णए राया ॥३७॥ तो भणिओ मंतीहि भट्ट ! तुमं संपयं निययपुत्ते । इदंससि रायाणो अणुवत्तइ ता तह च्चेय ||३८|| तेण वि तं पडिवज्जिय निययसुया दंसिया नर्रिदस्स । भणियं च देव ! एए मह पडिवत्तीए दट्ठव्वा ॥३९॥ रण्णा वि तहा विहियं तत्तो पायं घरम्मि सो थक्को । लज्जतेहिं य तेहिं पुत्तेहिं घरस्स दारम्मि ॥४०॥ कुडियं काउं ठविओ सूयायंतीओ ताओ वहुयाओ । उव्वरियं भत्ताई दिति अवण्णाए दूरत्था ॥ ४१ ॥ किं बहुणा ? सव्वं पि हु कुटुंबमह पासिउं तयं भट्टं । निवई सूयाए तं दद्धुं चितए एसो पेच्छह कह पावाई ॥४२॥
मज्झ पैसाए पत्तविहवाइं ।
जायाइं तह वि महं कुणंति नणु परिभवंकह णु ? ॥४३॥
तो एयाणं एयं (वं) उम्मत्ताणं सिरम्मि पाडेमि । दुव्विलसियफलमेयं जंपर हक्कारिडं पुत्ते ॥४४॥
१. सं.वा.सु. सूयाइंतीओ ॥ २. सं. वा.सु. पभावेण ॥। ३. सं.वा.सु. "भवं गरुयं ॥४३॥
मूल. २-२१
१६१
