________________
१४७
मूलशुद्धिप्रकरणम्-द्वितीयो भागः
. दिट्ठा य तत्थ गणिणी निम्मलपडरयणपाउयसरीरा ।
अइधवलजलयछन्ना चंदस्स व चंदिमा सोमा ॥४८॥ तं दट्टणं एसा बहलसमुब्भिज्जमाणरोमंचा । वंदइ गणिणीपाए बाहजलोहलियगंडयला ॥४९॥ पुट्ठा य तओ तीए वच्छे ! तें आगयाकओ इहई । तीए य अपरिसेसा मूलाओ अक्खिया वत्ता ॥५०॥ तं सोऊणं गणिणी भणइ अहो ! दारुणं समणुभूयं । इह लोग च्चिय तुमए दुक्कडकम्मस्स फलमउलं ॥५१॥ पइमारिया वि जंपइ सामिणि ! मह कहसु किंपि तं इहि । जेणं भवंतरेसु वि न होमि दुहभायणं अहयं ॥५२॥ तो गणिणीए कहिओ धम्मो खंताइओ दसपयारो । जह वच्छे ? कायव्वा पढमं खंती पुढविसरिसा ॥५३॥ तत्तो य मद्दवं पुण गुरुयणविणयाउ होइ कायव्वं । सव्वत्थ(त्थु)ज्जुसहावत्तणेण अह अज्जवं तत्तो ॥५४॥ लोभच्चाएण तेओ मुत्ती निच्चं पि होइ कायव्वा । तत्तो दुवालसविहो बज्झो अब्भितरो य तवो ॥५५॥ तत्तो य सतरसविहो कायव्वो संजमो सुहत्थीहिं । दसविह चउव्विहं वा तत्तो सच्चं अणुढेयं ॥५६॥ उवगरण-भत्त-पाणाइएसु सोयं तओ विहेयव्वं । आकिंचणं पि तत्तो वराडियाए वि परिहारो ॥५७॥ तत्तो य बंभचेरं उग्गं अइदुद्धरं धरेयव्वं । एसो दसप्पयारो धम्मो सिवसंपयं देइ ॥५८॥ कम्मखओवसमेणं चित्तं एएण रंजियं तीए । भणइ य 'भयवइ ! अहयं जइ जोग्गा देहि तो एयं' ॥५९॥ जंपइ गणिणी 'वच्छे ! जोग्गा तं किंतु अण्णदेसम्मि । इइ भेणिए गणिणीए समंगया अण्णदेसम्मि ॥६०॥
१. सं.वा.सु. तं कत्थ आगया इहई ॥ २. ला. सव्वत्थ उ उज्जु ॥ ३. सं.वा.सु. अओ ॥ ४. सं.वा.सु. अणुढेउं ॥ ५. ला. भणिया ॥
