Page Text
________________
अचक्खुणो वि सच्च-क्खुणो दढं सहियया अहियया वि। निक्कण्णा वि सकण्णा, अइदुल्लहलद्धसिद्धिपहा ॥४५८१ ।। विहिया अम्हे तुम्हेहि, संपयं पुण पणट्ठसण्णाणा। तुम्ह वियोए सामिय!, हा अम्हे कह भविस्सामो ॥ ४५८२॥ सव्वजगज्जीवहिए, थेरे सव्वजगजीवनाहम्मि। पवसंते य मरते, ही! देसा सुण्णया होंति
॥ ४५८३॥ सीलड्ढगुणड्ढेसुं, पहूसु अपरोपतावकारीसु। पवसन्तमरन्तेसु य, देसा ओखंडिया होति
॥ ४५८४ ॥ वियलियबलेण जरजज्जरेण, गयदंतपंतिएणा वि। अज्ज वि कुलं सणाहं, जूहाऽहिव! पइं चरतेण
॥ ४५८५॥ सव्वस्सदायगाणं, समसुहदुक्खाण निप्पकंपाणं । दुक्खं खु विसहिउंजे, किरप्पेवासो वरगुरूणं
॥ ४५८६॥ इय कुनयकुरंगयवागुराए, संवेगरंगसालाए। मरणरणजयपडागो-वलंभनिविग्घहेऊए
॥ ४५८७॥ आराहणाए पडिदार-दसगमइयम्मि बीयदारम्मि। गणसंकमणे भणियं, तइयं अणुसट्ठिपडिदारं
।। ४५८८॥ अणुसट्ठिपयाणे वि हु, गणिणो सगणट्ठियस्स न समाही। होज्ज त्ति बेमि एत्तो, परगणसंकमणविहिदारं ॥ ४५८९॥ अह स महप्पा पुव्व-प्पदंसिओ मुणिवई निययसूरि । गणमऽवि पुव्वुवदिट्ठा-ऽणुसासणाऽणुगुणकिच्चपरं ॥ ४५९०॥ पुणरवि वाहरिऊणं, मयंकजोण्हापवाहसिसिराए। आणंदसंदिराए, गिराए एवं समुल्लवइ
॥ ४५९१॥ हंभो देवाऽणुपिया!, संपइ तुम्हे पडुच्च जाओ हं। सुत्ताऽऽइपयाणेणं, सम्मं कयसव्वकायव्वो
॥४५९२॥ ता एत्तो अवरं मह, उवओगवओ वि तुम्ह विसयम्मि। विप्फुरइ किच्चमुवदं-सियव्वमऽच्चंतथोवं पि । ४५९३॥ ता एत्तो वि हु पुव्वं, निविग्घाऽऽराहणाए सिद्धिकए। सम्ममऽणुमण्णह ममं, परगणसंकमणकरणाय ॥ ४५९४॥ भुज्जो भुज्जो मह संतियं च, मिच्छामि दुक्कड़मियाणि । हवउ विणीयाण वि भे, गुरूवरिंगरुयभत्तीण ॥ ४५९५ ॥ अह ते वि सोगभरसं-गिलंतदढमण्णुपुण्णगलरंधा। नीरंधबाहजलबिंदु-पूररुब्भंतनयणपुडा
॥ ४५९६॥ सूरिपयपंकउच्छंग-संगिसीसा सगग्गयं सीसा । जंपंति पहू! किं सवण-सल्लतल्लं समुल्लवह
॥ ४५९७॥ एवं तुब्भे अच्चंत-दुस्सहं जइ वि सव्वहा अम्हे। न तहा उवयारकरा, न तहा दक्खा न तह गीया
॥ ४५९८॥ न तहा जोग्गा गुरुपाय-पंकयाऽऽराहणस्स न तहा य। पज्जंतसमयसंसिय-संलेहणपमुहविहिकुसला ॥४५९९॥ तह वि य एगंतेणं, पराऽणुकंपापरेक्कचित्तेहिं । परऽणुग्गहप्पहाणेहिं, पत्थणाभंगभीरूहिं
॥ ४६००॥ तुब्भेहिं नेव भयवं!, मोत्तुं उचिया जओ इमं जूहं । मज्झट्ठिएहिं रेहइ, अज्ज वि भे चलणकमलेहि ॥ ४६०१॥ ता कालचक्कनिवडण-कप्पेणं जंपिएण पज्जत्तं । एएण चितिएण वि, तुम्हाणऽम्हं सुहट्ठाए
॥ ४६०२॥ इय तेहिं जंपियम्मि, महुरगिराए गुरू वि वागरइ । हंहो महाऽणुभावा!, परिणयअरिहंतवयणाण
॥४६०३॥ नियमइविहवविभाविय-जुत्ताऽजुत्ताण णेव तुम्हाणं । मणसा वि चितिउमिमं, जुत्तं दूरे पयंपेउं
॥४६०४॥ को नाम किर सकण्णो, करेज्ज विक्खंभमुचियपक्खे वि। अहवा किमिमं अरिहंत-भणियसमयम्मि नाऽणुमयं ॥ ४६०५ ॥ चिरपुरिसेहिं किंवा, न सेवियं किं न कत्थ वि य दिटुं। किंच न पेच्छह पडुपवण-पहयधयवडचलं जीयं ॥४६०६ ॥ जेणेवं निरऽवग्गह-मऽसदग्गहमऽणुसरित्तु वागरह । ता मा पडिकूलह सव्व-हा वि मह पत्थुयं अत्थं ॥४६०७ ॥ इच्चाऽऽइ गुरुगिरं निसुणि-ऊण तं विण्णविति पुण एवं । भयवं! जइ वि हु एवं, तह वि अलं परगणगमेणं ॥४६०८ ॥ सगणे च्चिय कुणह समीहि-यऽत्थमेत्थ वि जमऽत्थि गीयत्था । पत्थुयकज्जसमत्था, निव्वूढभरा महामइणो ॥४६०९ ॥ उच्छाहवुड्डिजणगा, निक्कंपा भेरवप्पडिभएसु । संवग्गा खंतिखमा, सुविणीया साहुणो णेगे
॥ ४६१०॥ एवं सुसाहुभणिओ, को वि हु तत्थेव वंछियं कुज्जा । निद्दिस्समाणगुणदोस-पक्खमऽभिविखिउं अवरा ॥ ४६११॥ भणियविहीए पुच्छिय, सगणं अब्भुज्जएण भावेण । आराहणाणिमित्तं, परगणगमणं कुणइ जम्हा
॥ ४६१२॥ सगणे आणाकोवो, फरुसवई कलहकरण परिताव। निब्भय सिणेह कोलुणिय, झाणविग्यो य असमाही ॥ ४६१३॥ उड्डाहकरा थेरा, कलहकरा खुड्डया खरा सेहा । आणाकोवं गणिणो, करेज्ज तो होज्ज असमाही
॥ ४६१४॥ जं तेसु न वावारो, जुज्जइ परगणनिवासिणो गणिणो । ता कह असमाहाणं, आणाकोवम्मि वि कयम्मि ॥ ४६१५॥ खुड्डो थेरे सेहे, असंवुडे टुं भणइ सो फरुसं । पडिचोयणमऽसहंतेहि, तेहिं सह होज्ज कलहो वि
॥ ४६१६॥ तत्तो गणिणो ताण य, होज्जा परितावणाऽऽइया दोसा । तेसु सगणम्मि गणिणो, ममत्तदोसेण असमाही ॥४६१७॥ १. प्पवासो - प्रवासः - वियोगः, २. विक्खंभ - विरोधम्
૧૩૨
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |