Samveg Rangshala

SR No.: 022285
Original Sutra Author: N/A
Author: Vinayrakshitvijay
Publisher: Shastra Sandesh
Publication Year: 2009
Total Pages: 378
Language: Sanskrit
Classification: Book_Devnagari
File Size: 17 MB

Page 100

अइकलुणदीणविरस-त्तणं च कंठग्गहं च दरिसेइ । निस्संदेहं देहंऽ-तरं लहुं लहइ सो वि नरो एगा व दो व तिण्णि व, चउ पंच व जस्स होंति पुरिसस्स । अइदीहराउ पिहुलाउ, भालवट्ठम्मि रेहाउ सो वरिसाणं तीसं, चालीसं सट्ठिमऽसिइमेक्कसयं । जीवति अणिदियं चिय, जहासंखेण मुणियव्वं अनिमित्ते सहसच्चिय, जस्संऽगं सव्वहा वि पुरिसस्स। पयईए परिच्चायं, काऊणं दरिसइ वियारे रिज्जइ सिज्जइ खिज्जइ, उवयाराओ वि नवि गुणं लहइ । तं पि हु अयालपत्तं, कालप्पत्तं वियाणाहि लेसुद्देसेण इमं, निमित्तदारं मए समक्खायं । एत्तो भणामि किंचि वि, सत्तमयं जोइसद्दारं जम्मि सणी नक्खत्ते, तं नक्खत्तं मुहम्मि दायव्वं । चत्तारि दाहिणकरे, पाएसु य तिण्णि तिण्णि भवे चत्तारि वामहत्थे, हियए पुण पंच तिण्णि सीसम्मि। लोयणजुयलम्मि दुर्ग, गुज्झे य दुगं विणिद्दिटुं इय रिक्खठावणाए, ठविउं सणिपुरिसचक्कमऽइनिउणं । जोएहु अप्पणो जम्मरिक्खमऽहनामरिक्खं वा । तं जइ निमित्तकाले, हवेज्ज सणिपुरिसगुज्झदेसत्थं । तह सव्वहा वि सोम-ग्गहेहि अजुयं अदिटुं च पावग्गहेहिं पुण सं-जुयं च दिटुं च सयलदिट्ठीए। ता सज्जस्स वि मरणं, सूयइ रोगिस्स का उ कहा अहवा पुच्छालग्गाऽणु-सारओ णिउणजोइसविउस्स । आएसाओ जाणेज्ज, मरणकालं फुडं खु जहा पिट्ठोदए वि लग्गे, कूरा लग्गत्थहिवुगदसमठिया । जइ होंति अट्ठछट्ठम-रासीसु निसाऽहिवो होइ तो रोगी मरइ धुवं, अहवा लग्गाऽहिवो गहो अत्थं । उवणमइ तो वि मरणं, रोगी सज्जो वि उवणमइ चंदसणिभोमसूरा, लग्गदुवालसनवऽ?मत्था य । साहिति रोगिमरणं, जइ बलवंतो न देवगुरू चंदो जइ दसमगओ, रखी तइज्जे व संठिओ छठे। मरइ असुहेण मणुओ, तइए दियहे न संदेहो उदयाओ उ चउत्थे, निहणे वा जइ हवंति पावगहा । तो जाणवेंति मरणं, तइए दियहे मणुस्साणं कूरग्गहाणमुदए, पंचमए वा वि जइ ठिओ पावो। नीरोगो वि हु फिट्टइ, दसद्धदियहे न संदेहो धणमिहुणे जामित्ते, असुहगहा जइ भवंति तो वाहिं । साहेति मरणमऽहवा, वियाण सव्वण्णुणा भणियं इय लेसुद्देसेणं, जोइसदारं पि वण्णियं किंपि। सुविणगविसयं दारं, दरिसेमि संपयं किंपि वानरी विगरालच्छी, आलिंगइ सुविणयम्मि जइ कहवि। तह मंसुकेसनहक-प्पणं च ता मरणमऽचिरेण तेल्लमसिलित्तअंगो, विलुलियकेसो य विवसणो सुविणे । खरकरहगओ जमदिस-गामी जइ तो वि लहु मरणं रत्तवडखवणयाणं, सुविणे दंसणमऽवस्समरणाय । रत्तवसणो य सुविणे, गायंतो निच्छियं मरइ उट्टखरजुत्तजाणं, एगागी आरुहेज्ज जो सुविणे । जग्गइ तत्थ ठिओ च्चिय, जइ ता मरणं समासण्णं कसिणंऽबरनेवत्था, कसिणविलेवणविलित्तगत्ता य । नारी जइ उवगृहइ, सुविणे ता मरणमऽचिरेण जग्गंतो च्चिय निच्चं, जो पासइ दुटुसुविणयं पुरिसो। सो मरइ वच्छरंऽतो, सच्चमिणं केवलीभणियं सुविणे पेएहिं समं, सुरं पियंतो सियालसुणएहिं । जो कड्ढिज्जइ पायं, जरेण सो पाविही मरणं सुमिणे वराहरासभ-कुक्कुरकरभविममहिसयाईहिं । जो निज्जई जमदिसं,स सोसदोसेण पुण मरिही जायइ हियए तालो, वंसो वा कंटइल्लवल्ली वा । जस्स सुमिणे स नासं, अणुगमिही गुम्मदोसेणं सुविणे च्चिय गयजालं, जलणं तप्पिंतयस्स पुण जस्स । नग्गस्स तह घएणं, सव्वंगऽब्भंगजुत्तस्स पुरिसस्स हि हिययसरे, उट्ठाणं पाउणंति पउमाई । लहु गमिही जमगेहं, कुट्ठविणटुंऽगजट्ठी सो रत्तंबरकुसुमधरो, कड्ढिज्जइ इत्थियाहि हसमाणो । जो सो गमिही पुण रत्त-पित्तदोसेण पज्जन्तं नेहं सह चंडालेहि, पिबइ सुमिणे पमेहदोसा सो। जो पुण जले निमज्जइ, सो रक्खसदोसओ मरिही जो पुण मत्तो नच्चंतओ य, पेएण निज्जए सुविणे । उम्मायदोसओ सो, अंते पाणे परिच्चइही नयणाऽऽमएण मरिही, ससिसूरनिवायदंसणे सुमिणे । सुविणे ससिरविगहणाण, दंसणे पुण अमारीए पूयगसक्कुलिभक्खी, मरिही पुण तव्विहं चिय वसंतो। जलतेल्लवसामज्जाऽऽइ-पाणओ पुण अईसारा वानरखरुट्टमज्जार-वग्घविगसूयरेहिं सुविणम्मि । पेएहिं सियालेहिं व, जस्स गमो सो वि गमणमणो १. अमारीए - मूत्रकृच्छ्रेण,
॥ ३१६६॥ ॥ ३१६७॥ । ३१६८॥ ॥३१६९॥ ॥ ३१७०॥ ॥ ३१७१ ॥ ॥ ३१७२॥ ॥३१७३॥ ॥३१७४ ॥ ॥३१७५ ।। ॥ ३१७६॥ | ३१७७॥ ॥ ३१७८॥ ॥ ३१७९॥ ॥ ३१८०॥ ॥ ३१८१॥ ॥ ३१८२॥ ॥ ३१८३॥ ।। ३१८४॥ ॥३१८५॥ ||३१८६॥ ॥३१८७ ॥ ॥ ३१८८॥ ॥ ३१८९॥ ॥ ३१९०॥ ॥ ३१९१॥ ॥ ३१९२॥ ॥ ३१९३॥ । ३१९४॥ ॥ ३१९५॥ । ३१९६॥ ॥ ३१९७॥ ॥३१९८॥ ॥ ३१९९॥ ॥ ३२००॥ ॥ ३२०१॥ ॥ ३२०२॥