________________
६४४]
तं भगवंतं अहं नियसत्तीए अणग्धभत्तीए । सक्कारेमि य संमाणेमि य सिरसा नम॑सामि ॥ ६५ ॥
जं तस्स मए कत्थ वि पडिकूलं कह वि विप्पियं विहियं । आसायणा तह कया कया वि खामेमि तं सव्वं ॥ ६६ ॥
अहिंसालक्खो धम्मो गुणाण रयणाय । भासिओ वीअहिं मुक्खसुक्खाण कारणं ॥६७॥ दहभेओ इधम्मो सावयधम्मो य बारस वयाई । भणिओ थूलगपाणाइवायविरमणपुरोगाई ॥६८॥ संकाकं विगच्छामिच्छादिट्ठिस्स संथवपसंसा । आसायणं च कत्थ वि कयं तं खमावेमि ॥६९॥
जिणसमयपसिद्धे सत्तसु गुणसमिद्धेषु । जं चिय दिन्नं दाणं भत्तीए कयं च सम्माणं ॥ ७० ॥
जं विहियं सुहकिच्चं अन्नं पि मए जिणाण आणाए । तं सव्वं पि अणग्धं ममं हुज्जा मुक्खसुक्खफलं ॥७१॥ कालो अाइ जीवो अणाइ तह भवपरंपराणाई । जे केवि तत्थ जीवा एगेंदियपमुहजाईसु ॥७२॥ एगिंदिया य बेइंदिया य तेइंदिया य चउरिंदी । पंचिंदिया य कत्थ वि असन्निपचिंदिया चेव ॥७३॥
देवनरतिरियनारयचउगइमग्गेसु परिभमंता य । तह ते वि पुढविकाया दगकाया वाउकाया य ॥७४॥ ते उक्काया वणस्सइकाया तसकाइया य सव्वे वि । इय छव्विहजीवनिकायलक्खणा निग्गुणेण मए ॥ ७५ ॥ चुलसीइलक्खसंखासु जीवजोणीसु परिभमंतेण । तज्जय वत्तिय दूमिय परिभाविया तह उवद्दविया ॥ ७६ ॥ निब्भच्छिय संघट्टिय विहडाविय पीलिया य वेलविया । परियाविया य तह जीवियाउ ववरोपिया चेव ॥७७॥
[ विवेकमञ्जरी
तं तिविहं तिविहेणं सव्वं खामेमि तह य अप्पाणं । निंदामि य गरिहामि य तहा मिच्छा दुक्कडं मज्झ ॥ ७८ ॥
