________________
'વાત્સલ્યનો અખૂટ ઝરો)
લેખક - ગુણાનુરાગી સંસાર છોડી સંયમનો સ્વીકાર કરનાર કોણ એવો હોય કે જેના હૈયામાં વૈરાગ્ય ના હોય અને એવા વૈરાગ્ય વગર ભલા ! સંસાર છોડાય જ નહિંને?
પણ સાધ્વીજી શ્રી પઘલતાશ્રીજી મ.ના હૈયામાં જે વૈરાગ્યની તીવ્રતા હતી તે બહુ ઓછામાં જોવા મળે. પૂર્વના કોઈ અજબગજબના સંસ્કાર લઈને અવતરેલો એ આત્મા ભૂલભૂલમાં જ જાણે સંસારમાં આવી ચડ્યો હોય એવું લાગે, માનસ સરવારનો હંસલો જાણે ભૂલો પડી નાનાશા તલાવડામાં આવી ગયો. જન્મભૂમિ અને ઉછેર
ભરૂચ પાસેનું આમોદ ગામ એ એમનું જન્મસ્થાન. ગામ નાનું પણ સંસ્કારી, તાલુકાનું ગામ ગણાય, વેપારધંધો પણ સારો, આજુબાજુના ગામવાળા હટાણું કરવા ત્યાં આવે ગામમાં લાડવાશ્રીમાળી અને વિશાશ્રીમાળી બને જ્ઞાતિના જૈનોના ઘર હતા. નાના સરખા ગામમાં પણ ત્રણ જિનમંદિર, બે ઉપાશ્રયો અને ધાર્મિક પાઠશાળા હોવાથી સૌ ભાવથી ધર્મઆરાધના કરે.
અવારનવાર સાધુ-સાધ્વીજી મહારાજના ચોમાસાં પણ થાય. તેમના દ્વારા ધર્મની પ્રેરણા મળતી રહે.
ત્યાં વસતા વિશાશ્રીમાળી જ્ઞાતિના શાહ વીરચંદ છોટાલાલ કાપડિયા એ એમના પિતા. જેઓ પોતાની અટક પ્રમાણે જ કાપડનો ધંધો કરે. ગામમાં બાહોશ/પ્રામાણિક અને પ્રતિષ્ઠિત વેપારી તરીકેની તેમની છાપ.
