________________
આરાધના પંચક (૫)
૭૯
એવાં ગૂઢ સૂત્રરહસ્ય આચાર્યની પરંપરાએ પ્રકાશિત કર્યું છે. જો આવા આચાર્યો ન હોત તો આવાં ગંભીર રહસ્યો શી રીતે જાણી શકત ? ૨૭૪
સૂત્ર તો માત્ર સૂચન કરનાર હોય છે, તેમાં અર્થ કેવળ સૂચવેલો હોય છે. પણ તેની વ્યાખ્યા તો આચાર્યો જ પ્રકાશિત કરે છે. ૨૭૫
બુદ્ધિ રૂપી તેલથી યુક્ત આગમ રૂપી જ્યોતિથી સુંદર શોભતા સૂરિ રૂપી પ્રદીપો જ્યાં નથી ત્યાં લોકો શી રીતે જોઈ કે જાણી શકતા હશે ? ૨૭૬
ચારિત્રરૂપી કિરણવાળા, અજ્ઞાનરૂપી અંધકારનો નાશ કરનાર નિર્મળચંદ્ર આચાર્યો ભવ્યો રૂપી કુમુદવનને પ્રતિબોધિત કરે છે. ૨૭૭
દર્શનરૂપી નિર્મળપ્રતાપવાળા, દદિશામાં ફેલાયેલાં જ્ઞાનરૂપી કિરણોવાળા સૂર્ય જેવા સૂરિ જ્યાં નથી ત્યાં મિથ્યાત્વરૂપી અંધકારવાળો દેશ હોય છે. ૨૭૮
સૂર્યની જેમ ઉદ્યોત કરનારા, કલ્પવૃક્ષની જેમ ઈચ્છા પ્રમાણે ફળ આપનારા, ચિંતામણિરત્ન જેવા, સૌભાગ્યવંત, જંગમ તીર્થરૂપ આચાર્યોને પ્રણામ કરું છું. ૨૭૯
